________________
गंधव्वनागदत्तस्स अक्खाणयं
सिरिसंति-ॐ घेप्पइ ण एत्थ भंती तइयुडाणम्मि जेण मोरो वि । ता कुणसु भद्द ! किरियं, मा हु विलंबेहि, किंबहुणा ? ॥११९॥५४६३॥ नाहचरिए सोद्धी होहीहामो अम्हे वि हु एत्थ जइ न मन्निहिइ' । इय एवमाइ भणिए पुणो वि तेणं कया किरिया ॥१२०॥५४६४॥
सत्थीहूओ संतो सव्वं पडिवजिऊण तेण समं । गंधब्वनागदत्तो विणिग्गओ जाव नयराओ ॥१२१॥५४६५॥ तावुजाणे नेउं अक्खइ सव्वं पि तस्स पुव्वभवं । तं सोउं एसो वि हु सुमरइ पुव्विल्लयं जाई ॥१२२॥५४६६॥ एवं एसो जाओ समणो पत्तेयबुद्धनामो त्ति । वंदित्तु तओ देवो बच्चइ निययम्मि आणम्मि" ॥१२३॥५४६७।। इयरो वि पुणो विहरइ गामा-ऽऽगर-नगरमंडियं वसुहं । तव-नियम-संजमरओ पालइ पुबुत्तयं किरियं ॥१२४॥५४६८॥ चत्तारि वि पावाऽही ते देहकरंडयम्मि नियमेउं । बाहिं निग्गच्छंते महापयत्तेण रक्खेइ ॥१२५॥५४६९॥ तत्तो वचंतम्मि काले उप्पाडिऊण वरनाणं । सासयमउलमणतं संपत्तो सिर्वपयं परमं ॥१२६॥५४७०॥ ता चक्काउह ! एसो कसायरूवो विवण्णिओ एवं । दुट्ठो संसारकरो महापमाओ महापावो ॥१२७॥५४७१॥ ता सव्वहा विवाह एवं मह सासणं मणे काउं । तुडभे विजेण वच्चह खवित्त कम्मं गई परमं ॥१२८॥५४७२॥अन्नं च
"निद्दापमाओ वि हु एस पावो अचंतदुद्दो विसमसहावो । जस्सप्पभावेण इहं पमत्ता पेच्छंति नो किंचिवि सव्वसत्ता ।।१२९॥५४७३॥
६५०
१. "इउहा पा० विना ।। २. "बसुहं का० ।। ३. अन्नं च पा० विना नास्ति ।।
