________________
सिरिसंतिनाहचरिए
सिरिसंतिजिणिंदस्स देसणा
"कोहाइया कसाया उ चत्तारि वि दुरंतया । होति दुक्खाय जंतूणं किजंता भवचारए ॥१॥५१०९॥ आई कोहो भवे तेसिं सव्वाऽणत्थणिबंधणं । हियाहियं न याणाई जेण जीवो वसीकओ ॥२॥५११०॥ साहुणो वि वसे जस्स वटुंता गुणसालिणो । कजाऽकजं अविंदंता दुग्गइं जति ते धुवं ॥३॥५१११॥ एवं माणो वि जंतूर्ण होइ दुक्खाण कारणं । जम्हा माणेणऽवटुद्धो दुविणीओ भवे णरो ॥४॥५११२॥ अवमाणेइ माणाओ मायरं पियरं गुरुं । तेसिमवमाणणाए उ दुग्गइं वच्चए णरो ॥५॥५११३॥ एवं माया वि सव्वाणं अणत्थाणं णिबंधणं । जीए बसीकओ पाणी सव्वं चेव णिगृहइ ॥६॥५११४॥ ण होइ सव्वलोए वि जणो वीसासभायणं । दुक्खाइं गरूवाइं तहा मायाए पावई ॥७॥५११५॥ दुग्गईओ अणेगाओ जाओ दुक्खाण भायणं । णारयाईसु गणेसु मायासीलो णरो लहे ॥८॥५११६॥ चउत्थो होइ लोभो उनीसेसाऽसुहकारणं । न तित्ती पावए जेण नरो लोभाओ कत्थई ॥९॥५११७॥ जस्स नऽथि धणं किंपि सो वंछेइ सयं णरो । पत्ते सए सहस्सं तु, सहस्से लक्खगा मई ॥१०॥५११८॥ पत्ते लक्खे वि कोडीए मइं जीवो उ वए । जस्स कोडी वि संपन्ना, सो रजम्मि मणं धरे ॥११॥५११९॥ रजे देवत्तचिंता उ, देवत्ते वि य चिंतइ । इंदत्तं जइ महं होइ सग्गे भोगमणोहरं ॥१२॥५१२०॥
१. आइ जे०७०।। २. °णाइ त्रु० का० ।। ३. माणेण व₹तो जे० ।। ४. सब्बाण पा० जे० ।।
