________________
सिरिसंतिनाहचरिए
इंदत्ते वि य पत्तम्मि सव्वसग्गाऽहिवत्तणं । पंत्थेइ तं ने कइया वि होइ संसारमंडले ॥१३॥५१२१ ॥ एवमपुन्नइच्छोउ करे पावाइं तव्वसो । णाणारूबाई संसारे जाई दुक्खाण कारणं ॥ १४ ॥ ५१२२ ॥ तम्हा लोभो अणत्थाणं सव्वाणं पि निबंधणं । दुग्गईणं पि सव्वाणं सम्मं भावेहि ता इमं ||१५|| ५१२३॥ एवमेसो तइजो उपमाओ तुज्झ वण्णिओ। करणं जेण जीवाणं संसारो नेय तुट्टइ ॥१६॥५१२४ ॥ जहा उ अग्गिसम्मस्स माहणस्स रिंतरं । जाया दुक्खाण रिछोली सुव्वंती वि दुहावहा " ||१७|| ५१२५॥ एत्थंतरम्मि सीसम्म बिहेउं कस्कोरयं । राया चक्काउहो णाम विन्नवेइ जिणेसरं ॥१८॥५१२६॥ 'भयवं ! को एस तुम्हेहिं अग्गिसम्मो उयाहिओ । पसायं मज्झ काऊणं, साहिज्जउ कोउयं जओ' ॥१९॥५१२७॥ तओ अक्खेउमादत्तो भगवं संतिजिणेसरो । सव्वजीवाणुगाए उ भारईए जहा "ईह ॥ १ ॥ ५१२८ ॥ जंबुद्दीवम्मि दीवम्मि खेत्तम्मि भारहम्मि उ । अत्थि सव्वत्थ विक्खाओ देसो कासि त्ति णामओ ॥२॥५१२९॥ मुइया सेसलोएहिं जो निचं परिपूरिओ । सालिमाईहिं धन्नेहिं असंखेहिं समन्निओ ॥३॥५१३०॥ आरामु-जाणवावीहिं सर- कूवेहिं सोहिओ । तत्थ गामो सुविक्खाओ पट्टणं व मणोरमो ॥ ४ ॥ ५१३१ ॥ सिद्धो अत्थि सव्वत्थ पुंडवद्धणनामओ । तत्थऽत्थि बंभणो एगो वेयवी लोगसम्मओ || ५ ||५१३२ ॥ १. इच्छे तं त्रु० ॥। २. तो का० । ३. पा० विना जाति जे० । जाति त्रु० का० ॥। ४. इहं त्रु० का० ॥
सिरिसंतिजिणिंदस्स
देसणा
६२१
