________________
सिरिसंतिनाहचरिए
गुणधम्मस्स कहाणयं
एयं च निसामिऊण दहोटुभिउडिभंगुरभालवडेण कड्ढियं विजुच्छडाडोवभासुरं पाएण सुहडाणं पि भयचमक्कारकारयं करालकरवालं । तं च दटुण निल्लुक्को भएण थरथरंतसव्वंगो विजाहरपरियणो तरुवरंतरेसु । भणियं च खेयरेणं'आ पावकम्मे ! तस्स नराहमस्स सरणं पडिवजमाणी अणुहवसु नियदुव्विलसियफलं', ति भणिऊण जाव समुग्गिरइ सिरोहराच्छेयणत्थं पहारं ताव विकोसीकाऊण खग्गरयणं हक्किओ कुमारेण पयडीहोऊण, रे रे दुरायार ! नारीयणमज्झेकल्लवीर ! असेसखयराहम ! न लजिओ सि निययसरीरसंज्यिाणं पि पंचण्हं महाभूयाणं भीरुनारीयणे पहारमुग्गिरंतो ? ५ एवंविहे पुरिसाहमे न सिक्खिया मज्झ करा खग्ग यावारे, तहा वि एत्थ समए इमं चेव पत्तायालं' ति भणमाणो उद्धाइओ कुमारो । विजाहरो वि 'अहो सोहणं संजायं, जओ जो मए तत्थ गंतूण हतव्यो सो सयमेव सकम्मचोइओ समागओ', त्ति भणमाणो मोत्तूण तं दासचेडिं वलिओ कुमारसम्मुहं । आरन्नयमहामत्तगयवर ब्व समाढत्ता दो वि जुज्झिउं, अवि य
ओहरहिं दो वि पहरे, दो वि हु वचंति सव्वपञ्चक्खं । नियसिक्खं दायंता जुझंति खणंतरं जाव ॥८८॥४९८८॥ मुक्को सिरोहराए पहरो कुमरस्स तेण रुटेण । कुमरो वि वंचिऊणं मेल्लइ जंघाजुए तस्स ॥८९॥४९८९॥ तेण य ईसिं छित्तो उल्ललिउं गाइ कुणइ आगासे । जा देइ किर पहारं, ता कुमरो खिवइ गयलक्खं ॥९०॥४९९०॥ १. विजुत्थडा का० ।। २. का० विना एवंविहे य पुरि° पा० । एवंविहे हा पुरि जे० । एबिहे गणे पुरि बु० ।। ३. "यमत्तमहागय पा० ।। ४. वच्चंति त्रु० । बंधति जे० ।।
