________________
सिरिसंतिनाहचरिए
ARAN
तस्सऽत्थि वरा देवी सुपसिद्धा सीलसालिणी नाम । सोहग्गजयपड़ाया उचियाइवियाणिया सरला ॥४॥४९०४॥ गुणधम्मस्स
तीए य समं जम्मंतरसुकयसंपजंतसयलसमीहियविसयसुहमणुहवंतस्स वचए कालो । अन्नया य उच्छंगत्थ- कहायणं सीहसुमिणयसंसूइओ जाओ तीसे पुत्तो । कयं च से णाम गुणधम्मो त्ति । सो य अब्भत्थसयलकलाकलायो संपत्तो जोव्वणं । जाओ य जणणि-जणयपरितोसकारओ सयलमहायण-पयइवल्लहो विसेसओ नारीयणस्स त्ति, किं चa जो य कइसओ ? संपुण्णचंदजइसओ सयलकलाकलावनिलओ जणलोयणामयदायगो य, पंचबाणुजइसओ
समत्थनर-नारीयणवल्लहो विणिज्जियपडिवक्खो य, सूरुजइसओ दूरविणिग्गयपयाओ विच्छाइयतेयस्सिगणो य मयरायरजइसउ महागंभीरासओ पउरोदओ य ति। सूरो सरलो सुहओ पुव्वाभासी पियंवओ सुयणो । दढसोहिओ सुरूवो, किं बहुणा ? गुणगणसमग्गो ॥५॥४९०५॥
इओ य वसंतपुरे नयरे ईसाणचंदस्स राइणो धूयाए कणेगवइनामाए जाओ सयंवरामंडवो । तत्थ य हक्कारिया समत्थरायाणो । गुणधम्मो वि महाभडचडयरसमन्निओ गओ तत्थ । आवासिओ य दिन्नावासए । कीए वि य वेलाए १० गओ विणिम्मावियसयंवरामंडवदंसणत्थं । दिवो य सयंवरामंडवो, अवि यकयकलहोयसुर्थभयनिम्मावियसालभंजियाकलिओ । रूवयसयसंकिण्णो देवंगवियाणरमणीओ ॥६॥४९०६॥
* ५८१ १. चंदु जई पा० विना ।। २. "बल्लहु वि जे० का० ।। ३. "रायरुज व बिना ।। ४. सुयणू जे० का० ।। ५. "गमई पा० । अग्रेऽपि प्रायः पा० प्रती सर्वत्र कणगमई' एव पाठः ।।
