________________
सिरिसंतिनाहचरिए
खंदिलकुलपुत्तयस्स कहाणयं
जोक्कारइ सुणहं पि हु, तोलिज्जइ तह कुलं च सीलं च । धम्म-उत्थ-कामहाणी, ता 'मजमणत्थखाणि त्ति' ॥१३॥४८७३॥ इय नाऊणं सुंदर ! परिहर एवं अणत्यसयमूलं' । एव भणिओ वि एसो न य छड्डइ कहवि तं वसणं ॥१४॥४८७४॥ अवहीरिओ य तत्तो सयणेहिं परजणेहिं तह चेव । जं किंची विढवेउ हट्टम्मि निविटुओ पियइ ॥१५॥४८७५॥ अह अन्नम्मि दिणम्मी तेणंतेणं निवो वइक्कमइ । मत्तो य इमो पावो तो भणिओ रायपुरिसेण ॥१६॥४८७६॥ र ओसरसु इमाओ जाणाओ जेण एइ नरनाहो' । परवसओ त्ति य काउं कहिंचि नो सरइ सो जाय ॥१७॥४८७७॥ ता तेण रायवल्लहपुरिसेणं करयलम्मि सो गहिओ । तेणाऽवि रूसिऊणं हणिउ छुरियाए सो निहओ ॥१८॥४८७८॥ तो रण्णा रुसिऊणं कयत्थिओ बहुविहेहिं भेएहिं । तह जह पत्तो मरणं गओ य मरिऊण नरयम्मि ॥१९॥४८७९॥ अणुहविय विविहदुक्ख संजाओ पुण वि माणुसो कहवि । गामम्मि धण्णतिलए गहवइणो संखदेवस्स ॥२०॥४८८०॥ भजाए माहवीए पुत्तो एसो वसंतनामो त्ति । तत्थ वि पुणो वि वसणं संजायं मजविसयम्मि ॥२१॥४८८१॥ अहियं तहेव चिटुइ पियमाणो हट्टमग्गमज्झम्मि । ताव य तेणंतेणं कीलंतो ठक्कुरो जाइ ॥२२॥४८८२॥ सो तेण मयंधेणं गालीवयणेहिं कक्कसेहिं च । तह फरुसिओ सुबहुयं जह तेणं मारिओ एसो ॥२३॥४८८३॥ मरिऊण य उप्पन्नो तिरिक्खजाईए, तत्थ दुक्खाइं । अणुहविऊण पुणो वि हु संजाओ माणुसो एसो ॥२४॥४८८४॥
१. कहंचि त्रु० ।। २. "खदत्तस्स त्रु० ।।
