________________
सिरिसंतिनाहचरिए
भवसायरे पडेतं अहह ! अणाहं ममं समुद्धरसु । सिरिसंतिसामि ! तिहुयणपणमियपयपंकय ! सया वि ॥ २५२॥। ४८५२ ।। देव ! अणाहो अहयं मोहाईवेरिवारविद्दविओ । तिहुयणरक्खणपच्चल ! रक्खि ममं संतिजिणइंद ! ॥ २५३ ॥ ४८५३ ॥ 'भो सामि ! सामि ! तिजगेक्कबंधु ! किमुवेक्खसे ममं दीणं । तुह पयपंकयलीणं सिरिसंतिमहापहु ! मुणिंद ! ॥२५४॥४८५४॥
किंकर भावडिओ संपइ दे सामिसाल ! सिरिसंति ! । भवगोत्तिघराओ ममं कड्रिढत्ता धरहि सिवरजे ॥ २५५ ॥ ४८५५ ।। इत्तियं व तुह पुरओ नाह ! विण्णप्पऊ मया इण्हि ? । करकलियाऽमलगं पिव जम्हा तं मुणसि नीसेसं ॥ २५६ ॥ ४८५६ ॥ सिरिदेवचंद बंदिय! तिजगस्स वि संतिकारय ! जिणिंद ! । धरसु ममं सयसंते संते ! मोक्खम्मि उाणम्मि' ।। २५७ ।। ४८५७ ।।
एवं च थोऊण सिरिचक्काउहनरिंदो उबविडो नियट्ठाणे । पत्थाविया य भयवया धम्मदेसणा, अवि य"जीवा पमायवसया पडंति संसारसायरे घोरे । तम्हा तयं विवज्जह, मा मुज्झह निययकज्जम्मि || १ ||४८५८ ॥ मजेणं विसएहिं य निद्दा- विगहाहिं मोहिया जीवा । जे केवि हुंति एत्थं लहंति ते बहुविहअणत्थं ॥ २ ॥४८५९ ॥ म दुक्खाण इमं सव्वाण वि कारणं महापावं । होइ कुगईए मूलं खंदिलकुलपुत्तयस्स जहा " ॥ ३॥४८६०॥
तओ एयमायण्णिऊण विन्नत्तं चक्काउहेण, जहा - ' भयवं । को एस खंदिलो, जो मज्जपमायाओ दुहभायणं संत' ? | भयवया भणियं - 'सुणसु सोम ! -
१. हो पा० विना ।। २. य पा० ॥
सिरिसंतिजिणंदस्स
देसणा
५७६
