________________
सिरिसंतिनाहचरिए
आसणकंपाणंतरमेव चिंतिउमाढत्तो, अवि य
" किमपुव्यमिमं दीसइ जं मह सहस त्ति आसणं चलियं ? । किं बट्टइ चुइसमओ ? किं वा केणाऽवि दुट्टेण ॥१५६॥४७५६ ॥ मह रिद्धिमसहमाणेण चालियं आसणं इमं झत्ति ? । तो जाणामि निरुत्तं, जेणं नासेमि से दप्पं" ॥१५७॥ ४७५७ ॥
इमं च चिंतिऊण जाव ओहिनाणेणाऽवलोएइ ताव पेच्छए संतिजिणिदं चक्कवट्टित्तणे वट्टमाणं, छक्खंडभरहसाहणत्थं चक्करयणदेसियमग्गेण 'चक्कवट्टिकप्पो'त्ति काऊण समुद्दतीरमागयं मम भवणाभिमुहठवियसिंहासणोववितुं । तओ तं दद्दूण ससंभंतो समुट्ठिओ आसणाओ, चिंतिउं च पवत्तो- "हंत ! अम्हे चक्कवट्टिणो संतिया पुव्यदिसावाला, विसेसओ पुण भयवओ संतिणाहस्स आणा निद्देसकारिणो त्ति, जओ तियसिंदा वि विणयपणयउत्तिमंगा 'अणुग्गह' मिइ मन्नमाणा भयवओ आणं पडिच्छंति, किं पुण अम्हारिसजणो ?” । तओ गिण्हिऊण अणग्धेयाssभरणाणि वरवत्थाई च समागओ, अवि य
ठाऊण अंतलिक्खे खिखिणिसंजुत्तवत्थपावरिओ । पुरओ संतिस्स तओ एवं भणिउं समाढत्तो ॥ १५८॥ ४७५८ ।। 'जय जय सिरिजिणनायग ! जय जय चक्कित्तणं समणुपत्त !। जय जय जगअब्भरहिय ! तुह पणओ पायपउमेसु ॥१५९॥
१. 'गयं सभव' जे० का० ॥ २. रणाई पा० विना ||
बारसमं भवग्गहणं
५६१
