________________
सिरिसंतिनाहचरिए
बारसमं भवग्गहणं
तह पच्छिमनगरूयगनिवासिणी अटु दिसाकुमारि सोवासिणि । आगय रहसपरावस हुतिय सिरिजिणनाहह भत्ति बहंतिय ॥७५॥४६७५॥ रयणजडियचामीयरदंडई तालियंट करि धरिवि पयंडई।
उवविसेवि पच्छिमहिं सुचंगई, मंगल गायहिं निब्भररंगई ॥७६॥४६७६॥ अवि य"पायारत्तियभूसियउं तोरणु वारविहत्तु । पंचवण्णकविसीसयहिं धयनिवहेहिं पवित्तु ॥७७॥४६७७॥ समवसरणु तियसाऽसुर वि करिसहिं अइसयवंतु । तिरिय-मणुय-तियसा-ऽसुरहंजहिं न वि लब्भइ अंतु ॥७८॥४६७८॥ रयण-कणयपरिनिम्मयई सीहासणि सुमहति । बइसेसइ तुह देवि ! सुउ कंकेल्लिहि तलि संति ॥७९॥४६७९॥ सक्कीसाणय उभयज्यि चामर उक्खिविहंति । उप्परि तुट्ठा तियसगण दुंदुहि वाइस्संति ॥८०॥४६८०॥ पंचवन्न वरकुसुमभरु पुणु सुर मेल्लिस्सति । उप्परि छत्तत्तयरयणु चंदतुल्लु धरिहिंति ॥८१॥४६८१॥ तहिं जिणु जलहरगहिरसरु अक्खेसइ वरधम्मु । जं जि कुणंता भवियजण लहिहिं सिवालयसम्मु ॥८२॥४६८२॥ निय-नियभासहिं परिणमइ सो निस्सेसजियाहं । वासनीरु जिंव परिणमइ कण्हाइयह धराहं ॥८३॥४६८३॥ इय परमेसरि ! पुत्तु तुहं होसइ गुणगणरासि । तें वंदुहुँ पणमंतसिर अम्हि निविट्ठिय पासि" ॥८४॥४६८४॥ १. घरेवि त्रु० ।। २. बारविहंतु जे० का० । बारविहत्थु त्रु० ॥ ३. करिसिहि जे० का० ॥ ४. कंकिल्लि त्रु० का० ।। ५. लहहिं त्रु० का० ।। ६. कल्हा का० ।। ७. तुह पा० ।। ८. तिं जे० का० ॥
