________________
सिरिसंतिनाहचरिए
इय आयरिसविहत्थियउ अम्हेहि तुम्हहं पाय | वंदेहं अणुदिणु भत्तिजय सयलसुहहं संपाय” ॥६५॥४६६५॥ अन्न अटु गुणगणसंजुत्तहु आवहिं दक्खिणदिसिहि निरुत्तहु ।
जिणु जिजणणि बे विपणमेष्पिणु, गायहिं निययाइ बइसेप्पिणु ॥ ६६ ॥ ४६६६ ॥ “पंचमहव्वय-तवधरणु बहुगुणगणसंपुण्णु । अइरदेवि ! तुह पुत्तु एहु एरिसु तिहुयणि नऽन्नु ॥६७॥४६६७॥ अप्पडिबद्ध बहुविहंगु जिह, भू जिह खंतिसमग्गु । रंगविवज्जि संखु जिह, एंगसिंगु जिह खग्गु ॥६८॥४६६८॥ हुवहु जिंव तवतेयधरु, भारुंडु व अपमत्तु । सीहु जिंव दुद्धरिसु जिणु, सूरु जिंव करि मत्तु ॥६९॥४६६९॥ नीरविवजिउ कंसु जिह, नहु जिंव आसयवंतु । चंदु जेंव सोमत्तधरु, सूरु जेंव अइदित्तु ॥७०॥४६७० ॥ सिरिसीलंगमहाभरह होसइ धुरधोरेउ । अम्हि सुबंदहु संतिजिणु पुणु पुणु कर जोडेउ ॥७१॥४६७१ ॥ निम्मलवरचारित्तधरु पवरकरणकयचित्तु । संतिणाहु बरसंतिकरू पहु होस सुपवित्तु ॥७२॥४६७२॥ इय एवंविगुणकलि विहरेविणु छउमत्थु । उप्पाडेसइ नाणु वरु पयडियसयलपयत्थु ॥ ७३ ॥ ४६७३ ॥ इय भिंगारविहत्थियह गायहुं मंगल देवि ! । दक्खिणदिसाकुमारियह बंदहु तुम्हहिं बे वि" ||७४॥४६७४ ॥
१. बंदह त्रु० का० ॥ त्रु० ।। ७. पा० विना
२. एगु सिंगि जि° जे० का० । ३. जह त्रु० ।। ४. भारुंड जे० ।। ५. सूरउ जिंव जे० त्रु० ॥ ६. 'हगुणगणक' पा० । 'हबहुगुणक तुम्हे वि बे वि जे० त्रु० । तुम्हि वि देवि का० ॥
बारसमं भवरगहणं
५४२
