________________
सूरस्स रायस्स कहाणयं
सिरिसंति- एवं दियहे दियहे बंदइ पयपंकयं मुणिंदस्स । वोलीणम्मि य मासे अण्णत्थ गओ तओ सूरी ॥६७०॥४५६१॥ नाहचरिए राया वि जिणिंदाणं अणण्णसरिसाइं कुणइ भवणाई । कारावेइ य बिंबे, तहा पइटुं च विहिपुव्वं ॥६७१॥४५६२॥
अटुाहियाइमहिमाओ कुणइ जिणमंदिरेसु भत्तिगओ । अण्णं पि एवमाई जे गिहिजोग्गं तयं कुणइ ॥६७२॥४५६३॥ एवं वच्चंतम्मी कालम्मि समागओ पुणो वि गुरू । निवु जाइ वंदणत्थं, निसामए तह य जिणधम्म ॥७३॥४५६४॥ अह अन्नया य चिंता उप्पन्ना "किं मए पुरा विहियं ? । अहवा किं चिंताए ? सूरिं पुच्छामि गंतूर्ण" ॥६७४॥४५६५॥ ५ तो वंदित्ता सूरिं पुच्छइ करकोरयं सिरे काउं । 'किं भयवं पुब्बभवे मए कयं? साहसु ममं ति ॥६७५॥४५६६॥
तो भयवं भणइ 'अहो! निसुणसु जइ कोउयं इमं तुज्झ' । “अस्थि इह जंबुदीवे भारहखेत्तस्स मज्झम्मि ॥१॥४५६७॥ ॐ नामेण वसंतपुरं सुपसिद्धं पुरवरं महारम्मं । तत्थऽत्थि सूरनामो राया सव्वत्थ विक्खाओ ॥२॥४५६८॥ जो य
सूरो सरलसहाबो दक्खिण्णमहोयही खमावासो । देव-गुरुनमणसीलो सहावओ चेव निल्लोहो ॥३॥४५६९॥ * दीणाइदत्तवित्तो समत्वपयपालणम्मि कयचित्तो । चउविहनीईसत्तो नयनिउणो दोसपरिचतो ॥४॥४५७०॥ बंधवपकयमित्तो दयावरो सच्चभासणुज्जत्तो । चोरिक्कम्मि अचित्तो परनारीसंगमविरत्तो ॥५॥४५७१॥ सो एवंगुणजुत्तो विसेसओ सील-संजमविउत्तो । दाणम्मि अइपसत्तो पालइ रज्जं महासत्तो ॥६॥४५७२॥
५२५
१. वि पा० ।। २. मज्झयारम्मि जे० ।।
