________________
सिरिसंतिनाहचरिए
इच्चेवमाइ सव्वं जा पगुणं होइ ताव नरनाहो । गणियम्मि पवरलग्गे पत्थाणयमंगले ठाइ ॥६५९॥४५५० ॥ अणवरयपयाणेहिं वच्चंतो जाइ तस्स देते। सो वि तयं नाऊणं निग्गच्छइ सम्मुहं जाव ॥ ६६० ॥ ४५५१ || ताव विरता सव्वे सामंता पउरपयइलोगा य । न हु तेण समं को वि हु निग्गच्छ तो इमो चित्ते ॥ ६६१ ॥४५५२॥ सुडु विसायं गच्छ चिंतेइ य “हंत मह विस्ताओ । सव्वाओ वि पयाओ ताव इओ जामि वणवासे” ॥६६२॥४५५३॥ इयँ चिंतिऊण तं चैव कुणइ, लोगो वि वच्छरायनिवं । महया विच्छçणं पवेसए नयरिमज्झम्मि ||६ ६३ ॥ ४५५४ ॥ इय दोसु वि रज्जेसुं राया सो चेव निग्गयपयावो । जा भुंजइ रायसिरिं तावुजाणाहिवो पत्तो ||६६४ ||४५५५ ॥ विन्नवइ जोडियकरो 'बद्धाविजसि नरिंदपीईए । बाहिं उज्जाणम्मी चउनाणसमन्निओ सूरी ||६६५ ॥ ४५५६ ॥ विहरतो संपत्तो तत्थ डिओ फासूयम्मि ठाणम्मि' । तं सोऊणं राया वि जाइ तव्वंदणटुाए ||६६६ ॥ ४५५७ ॥ वंदित्तु मुणिवरिंदं उचियापट्टिओ दढं पियइ । सूरिमुहनिज्झराओ विणिग्मयं देसणानीरं ॥ ६६७॥ ४५५८॥ अवि य"संसारो दुक्खरूवो चउगइगुविलो जोणिलक्खप्पहाणो, एत्थं जीवाण सोक्खं खणमवि पवरं विजए नेय किंचि । म्हाणत्थं जिणवरभणिए उज्जया होह धम्मे, खंताईए मुणीणं गुणगणकलिए सावयाणं च सारे” ॥ ६६८ ॥ ४५५९ ॥ तत्तो य साहुम्मे असमत्थं जाणिऊण अत्ताणं । गिण्हइ सावयधम्मं पुणो वि पविसरइ नयरम्मि ||६६९ ॥ ४५६०॥
१. सम्मुह पा० २. 'परम' का० ॥ ३. जम्मिं पा० विना ||
सूरस्स रायस्स कहाण
५२४
