________________
सिरिसंतिनाहचरिए
सूरस्स रायस्स कहाणयं
तह वि "अलंघा आणा पइणो" इय भाविऊण उटुंति । सिहरिणि-पाणय-खीराइयाणि दव्वाणि घेत्तूण ॥५३०॥४४२१॥ जह जह तासिं रूवं निव्वण्णइ नरवई वि भुजतो । तह तह मयणो विंधइ अमोहसरधोरणीए निवं ॥५३१॥४४२२॥ सव्वेसु वि अंगेसुं जा विद्धो तिक्खबाणनिवहेहिं । ता वेयल्लयपत्तो आयमणं मग्गइ नरिंदो ॥५३२॥४४२३॥ गिण्हित्ता आयमणं महया कडेण लेइ तंबोलं । सेसं गोरवमपडिच्छिऊण दुयमेव जाइ घरे ॥५३३॥४४२४॥ तत्थ य ताणं तिण्ह वि जा सुमरइ रूवसंपयं विउलं । ता वेयल्लं वच्चइ चिंतइ "कह सिज्झिही एयं" ॥५३४॥४४२५॥ ५ तो मंतिमंडलं सदिऊण जंपेइ 'जह इमं कजं । सिज्झइ, तह कुणह धुवं, मा एत्थऽत्थे विलंबेह' ॥५३५॥४४२६॥ तो मंतिणो वि मंतं काऊण परोप्परं भयंतेवं । 'न हु वच्छरायकुमरे जीवंते सिज्झए एयं ॥५३६॥४४२७॥ ता तं किंपि उवायं चिंतेमो जेण एस पाहुणओ । वच्चइ कीणासघरे' इय भणिए जंपए एगो ॥५३७॥४४२८॥ लद्धो मए उवाओ जह 'एसो सीहरायणम्मि । उववेसिज्जइ, पच्छा सीहो मारिस्सए एयं ॥५३८॥४४२९॥ सेसेहिं वि संलत्तं 'साहु इम, साहु जंपियं तुमए' । तो अत्थाणे दिन्न आसणमह सीहाणम्मि ॥५३९॥४४३०॥ १० कुमरो अत्थाणाओ जा सहसा निग्गओ अभीयमणो | ता एएहिं सीहो वि सण्णिओ 'मारसु इम' ति ॥५४०॥४४३१॥ जा सीहद्दाराओ विणिग्गओ ताव सीहराएण । सहस त्ति हक्किओ सो इय वयणाई भणंतेण ॥५४१॥४४३२॥
५१२
१. तो त्रु० ।। २. "यसुहडे जे० का० ।। ३. एवं त्रु० ।। ४. तो जे० का० ।। ५. °णाओ सहसा जा नि पा०॥
