________________
सिरिसंतिनाहचरिए
किंतु इमे पाहरिए बोल्लावसु जेण देमि आएसं' । इयरो वि भणइ 'सामिय ! निब्भरनिद्दा इमे सव्वे ॥२२७॥ ४११८॥ ताजं किंचि विकजं तं मज्झं चेव देव ! आइसह' । भणइ निवो 'एए च्चिय उटुवसु, पओयणं गरुयं ॥ २२८ ॥ ४११९ ॥ इयरेण वि संलत्तं 'पओयणं कहह ताव मह देव !' । संलवइ निवो वि 'इमं वाराविस्सामि रुयमाणि ॥ २२९ ॥ ४१२०॥ विन्नवइ वच्छराओ 'पाएणं नज्जए इमा दूरे । ता देव ! इमे वरया कह गंतुं पारइस्संति ? ॥ २३० ॥ ४१२१॥ ता कुणह मह पसायं, आएसं देह मा चिरावेह' । रण्णा वि हु पडिभणियं 'जाहि तुमं, होउ एवं ' ति ॥२३१॥४१२२॥ भणिऊण 'महपसायं' निग्गच्छइ रायभवणमज्झाओ । सद्दस्सऽणुसारेणं पत्तो पायारदेसम्मि ॥ २३२ ॥ ४१२३॥ लंघेउं पायारं विजुक्खित्तेण चारुकरणेण । पत्तो सत्तसहाओ मसाणदेसस्स पासम्मि ॥ २३३ ॥ ४१२४ ॥ जं च केरिसं ?परिज्झमाणबहुमडयनिवह अइदुसहगंधपसरेण । परिवासियं समंता नज्जइ नरयं व पच्चक्खं ॥ २३४ ॥ ४१२५॥ अन्नत्थ मंसभक्खणलुद्धसिवालीहिं अद्धदद्धाई । कड्रिढांति खणेणं मडयाई सिमिसिमिताई ॥ २३५॥४१२६॥ अन्नत्थ सुणय- कोल्हुयनिवहेण अणाहमडयसंघाया । भक्खिजति जहिच्छं कडयडरावं करेंतेहिं ॥२३६॥४१२७॥ अण्णत्थ विगयमंसेहिं विविहपरिसुक्कनर करंकेहिं । सव्वत्तो पडिएहिं जाइ न परिसक्किउं सहसा ॥ २३७॥ ४१२८ ॥ किंचजेत्थु किलि गिलहिं बहुभूयसंघायया, जेत्थु वेयाल मेल्लंति गुरुघायया ।
जेत्थु फेक्कार मेल्लंति सिवभीसणा, जेत्थु डाइणिउ हिंडंति गयनिवसणा || २३८॥४१२९॥
१. देहि त्रु० ॥ २. इणिहु हिं पा० त्रु० ।।
सूरस्स रायस्स
कहाण
४८६
