________________
सिरिसंतिनाहचरिए
जयंति ताओ 'पुत्त ! जाणामो किंतु लज्जमाणीहिं । एत्तियमेत्तो कालो अम्हेहिं गोविओ अप्पा ॥ २०३ ॥ ४०९४॥ संप तुम पडीयाओ ता कहसु किंचि जं कुणिमो' । भणइ इमो वि 'दुवारे समागया कणयसिरिदेवी ॥२०४॥४०९५॥ तुम्हाण आणणत्थं तो बच्चामो नरिंदगेहम्मि' । इय भणियाओ दोन्नि वि नीसरियाओ बहिं झत्ति ॥ २०५ ॥ ४०९६॥ दट्ठूण य कणयसिरी उत्तरइ करेणुयाओ संभंता । लग्गित्तु घणं कंठे रोबइ उच्च्च देहिं ॥ २०६ ॥ ४०९७॥ 'हो भगिणीओ ! तुब्भं कह जाया दारुणा इमाऽवत्था ? | अहवा विवसण करणे पावकयंतो इमो दक्खो ॥२०७॥ ४०९८ ॥ इत्थं पि आगयाहिं किं जाणंताहिं गोविओ अप्पा ? | अहवा वि हु पयइ च्चिय एसा गरुयाण, किं भणिमो ? ॥२०८॥ ४०९९॥ दट्टु तुम्हाऽवत्थं एरिसियं दलइ जं न मे हिययं । तं नूणं निम्मवियं वज्रसिलिंकाहिं कठिणाहिं ॥२०९॥४१००॥ ता किं बहुणा परिदेविएण ? आरुहह वारुयं जेण । वच्चामो गेहम्मी' एवं भणियाओ तो ताओ ॥ २१०॥४१०१॥ खामिति तयं सेट्ठि 'सेट्ठि ! खमेज्जाहि जं उवद्दविओ' । सेट्ठी वि भणइ 'सामिणि! मा मा एवं पयंपेहि ॥ २११ ॥ ४१०२॥ पावेण अज्रेण वणिसहावेण अत्थलुद्धेण । कम्मं कारवियाओ जं तं मरिसेह मह सव्वं ॥ २१२ ॥ ४१०३ ॥ एवं खमाविऊणं परोप्परं आरुहंति करिणीए । कणयसिरीए समेया संपत्ता रायभवणम्मि ॥ २१३ ॥ ४१०४ ॥ तिह वि भगिणीण समागमम्मि जं जायमुत्तमं सोक्खं । तं जइ मुणंति ताओ अहवा भयवं जिणो चेव || २१४ ॥ ४१०५ ॥ १. किंपि पा० विना ॥ २. ता जे० त्रु० ॥। ३. रोयइ पा० ।। ४. वज्रसिलिकाहिं जे० ।। ५. गेहम्मि जे० । गेहंसि का० ।। ६. खार्मेति जे० ॥ ७. पयंपेह पा० विना ||
सूरस्स रायस्स कहाणय
४८४
