________________
सिरिसंतिनाहचरिए
एत्थंतरम्मि रन्नो पासु विट्ठा परंपए देवी । नामेणं कणयसिरी विक्खाया सयलरज्जेसु ॥१९१॥४०८२॥ 'किं वच्छय! भगिणी ओ दोन्नि वि महसंतियाओ पत्ताओ? '। कुमरो वि भणइ 'आमं' विन्नवइ इमा वि तो रायं ॥ १९२॥४०८३ ॥ 'जइ देव ! तुह पसाओ होइ तओ दंसणं सभगिणीहिं । जेद्वाहि करेमि अहं' तं सोउं लवइ नरनाहो ॥१९३॥ ४०८४ ॥ 'देवि ! तुमं वच्च तहिं कुमरेण समन्निया समाणेहि । ताओ नियभगिणीओ जम्हा चिट्ठति दुक्खेणं' ॥१९४॥४०८५॥ तो हरिसनिभरंगी कणयसिरी पवरवारुयाऽऽरूढा । बहुपरिवारसमग्गा छत्तेण धरिजमाणेण ॥ १९५ ॥ ४०८६ ॥ कुमरेण समं वच्चइ जा पत्ता सेटुिगिहदुवारम्मि । ता संभंतो सेट्ठी अग्धं घेत्तूण निजाई ॥ १९६ ॥ ४०८७ ॥ भइ य 'जय जय सामिणि! सरसइ ! कोहंडि ! देवि बंभाणि ! । आइस भिच्चेण मए जं कायव्यं महादेवि ! ॥१९७॥४०८८ ।। नियचरणपंकयप्फंसणेण कुण मंदिरं मह पवित्तं । जम्हा हु कामधेणू पत्ता अञ्जऽम्ह गेहम्मि ॥१९८॥ ४०८९ ॥ अज अहं सकयत्थो, अजं चिय मज्झ जीवियं सहलं । जं चिंतामणितुल्ला सामिणि! इह आगया तं सि' ।। १९९ ॥ ४०९०॥ तो जंप कणयसिरी ' मा कुण तं भद्द ! संभमं गरुयं । धन्नो सि तुमं जेणं तुह गेहे मज्झ भगिणिओ ॥ २००॥ ४०९१॥ चिट्ठेति दोन्नि महनरवरिंदपत्तीओ पुत्तजुत्ताओ' । एत्थंतरम्भि कुमरो पविसइ जणणीए पासम्मि ||२०१॥ ४०९२॥ काऊण पायगहणं साहित्ता पुव्वकहियवुत्तंतं । जंपइ 'अंबे ! एत्थं नरनाहो तुम्ह भगिणिवई' ॥२०२॥४०९३॥
१. सफलं त्रु० ।। २. तं त्रु० ॥। ३. पुव्यविहि पा० ॥
सूरस्स रायस्स कहाण
४८३
