________________
सूरस्स रायस्स कहाणयं
सिरिसंति- 'कोणु इमो तुम्हाणं पुत्तय! पासम्मि दीसए कुमरो?' जंपति ते वि 'अम्हं एसो वि हु भाइतुल्लो त्ति ॥१७९॥४०७०॥ नाहचरिए तत्तो य नरेंदेणं उज्झाओ पुच्छिओ जहा 'भद्द ! । कस्सेसो किर पुत्तो? विन्नाणं वा वि केरिसयं ?' ॥१८०॥४०७१॥
भणियमुवज्झाएणं 'देव! न जाणामि जणणि-जणयाई । विन्नाणेण तु पुणो देव ! न एयस्समो कोई ॥१८१॥४०७२॥ कोऊहलिएण तओ रन्ना भणियं 'किमेरिस एय? | निययस्स वि छत्तस्स नजए नेय जणयाई ॥१८२॥४०७३॥ आईओ आढविउं ओज्झाएणऽक्खियं असेस पि । राया वि मणे चिंतइ "होही कोवेस रायसुओ" ॥१८३॥४०७४॥ ५
एत्थंतरम्मि कुमरा आढत्ता दसिउं सविजाओ । राया वि तग्गयमणो अवलोयइ पुत्तविन्नाणं ॥१८४॥४०७५॥ *तो पजंते ताणं रण्णा भणिओ 'इमो वि दंसेउ । नियविन्नाणं' तत्तो दंसेइ इमो वि सविसेस ॥१८५॥४०७६॥
तं दटुणं नरिंदो सहरिसरोमंचकंचुइज्जतो । पभणइ ‘वच्छय ! साहसु नामं निययस्स जणयस्स' ॥१८६॥४०७७॥ कुमरेण वि पडिभणियं 'जइ एवं ताय ! तो निसामेहि । अत्थि पुरं सुपसिद्धं नामेणं खिइपइदं ति ॥१८७॥४०७८॥ तत्थाऽऽसि वइरिमायंग-गुरुघडाडोयपाडणमइंदो । तुम्हाणं पि पसिद्धो नामेणं वीरसेणणिवो ॥१८८॥४०७९॥ तस्स पहु ! धारिणीए देवीए देव ! नंदणा अम्हे । पढमोत्थ देवराओ, बीओ है वच्छराओ' त्ति ॥१८९॥४०८०॥ इच्चाइ निरवसेस पुव्युत्तं तेण साहियं चरियं । तं सोऊणं राया न माइ निययम्मि अंगम्मि ॥१९०॥४०८१॥
१. कोवि त्रु० का० ।। २. आईए त्रु० ।। ३. खीप" त्रु० का० ।।
