________________
सिरिसंतिनाहचरिए
अणुसारेणं तेणं वच्चइ वणसंडमज्झयारम्मि । पेच्छइ य तत्थ कुमरे नाणासत्थाई गुणवते ॥७७॥३९६८॥
* सूरस्स रायस्स दटुणं ते कुमरे हरिसेणुप्फुल्ललोयणो एसो । एगत्थ डिओ पेच्छइ विन्नाणं ताण कुमराण ॥७८॥३९६९॥
कहाणयं जई को वि हु घायाओ ईसिं पि हु भुल्लए तओ एसो। 'हा ह'त्ति जंपमाणो मुहम्मि सामत्तणं धरइ ॥७९॥३९७०॥ जइ पुण ठाणे घाओ निवडइ तो तोसनिडभरोधणियं । 'साहु'त्ति जंपमाणो न माइ निययम्मि अंगम्मि ॥८०॥३९७१॥ तं दटुं कलसूरी चिंतइ "नणु एस कोविओ कोवि । बालो वि हु जो एवं जाणइ सत्थाण मम्माई" ॥८१॥३९७२॥ ५ तो पुढो तेण इमो 'वच्छ! तुम आगओ कुओ एत्थ?'।तो भणइ वच्छराओ 'ताय! ममं देसियं मुणसु ॥८२॥३९७३॥ कोड्डस्स पेच्छणत्थं एत्थ पविट्ठो' तओ उवज्झाओ । जंपइ 'केत्तियमेत्तं बुज्झसि तं वच्छ ! साहेहि ?' ॥८३॥३९७४॥ अक्खइ य एस 'परिचयमेत्तं मह अत्थि संगइवसाओ' । आइसइ कलायरिओ 'करेहि सत्थं करे वच्छ!॥८४॥३९७५॥ दंसेहि अम्ह निययं विन्नाणं' तो इमो वि पयडेइ । सव्वऽत्थेसु कुसलयं, तं दटुं विम्हिया सव्वे ॥८५॥३९७६॥ एवं जा खणमेकं सत्थाण परिस्सम इमो कुणइ । ताव कुमराण जोग्गं झडत्ति भत्तं समणुपत्तं ॥८६॥३९७७॥ कुमरेहिं तओ एसो वि भोइओ पवरभोयणविहीए। थक्को जाव वि यालं जाइ तओ निययगेहम्मि॥८७॥३९७८॥ वच्छयरूवाणि वि रक्खवालपरिवज्जियाई काऊणं । सद्दिवसे चिय गेहं गयाणि, तो बोल्लए सेट्टी ॥४८॥३९७९॥
४७३
१. मुहं पि सा त्रु० ।। २. इत्थ त्रु० ।। ३. संगयव जे० ।। ४. बियालो जे० ।।
