________________
सूरस्स रायस्स कहाणय
सिरिसंति- धारिणि विमला य तओ दोन्नि वि कम्मं कुणंति तग्गेहे । अहवा उदरस्स कए जं न कयं, तं पि कुणइ जणो ॥६६॥३९५७॥ नाहचरिए कम्मायत्ता जीवा बहुविहदुक्खाण भायणं होति । जह धारिणी वि देवी परगेहे कुणइ कम्माई ॥६७॥३९५८॥
जं दाणं देंतेहि किज्जइ चित्तम्मि किंचि कालुस्सं । तं भोत्तूण सुहाई पावेति जिया दुहाई पि ॥६८॥३९५९॥ जह एस चिय देवी बहुविहसुहलालिया य होऊण । माणस-सारीरियविविहदुक्खचयभाइणी जाया ॥६९॥३९६०॥ ता एयं नाऊणं रक्खेयव्यं मणस्स कालुस्सं । सव्वं पि धम्मकिञ्चं विसुद्धचित्ता कुणह णिचं ॥७०॥३९६१॥
एवं च जाव दियहा केत्तियमेत्ता वि ताण वोलेंति । ता अन्नम्मि दिणम्मि भणियाओ तेण वणिएण ॥७१॥३९६२॥ * 'एसो वि बालओ मे वच्छयरूवाणि रक्खऊ भद्दे ! । जइ तुम्हाण विभावइ निव्ववसाओ जओ एस' ॥७२॥३९६३॥
तो बहुविहाई हियए अट्ट-रउद्दाई चिंतवेऊण । 'होउ इमं पि हु एवं सुंदर ! तुम्हेहिं जे भणियं ॥७३॥३९६४॥ तो वच्छरायकुमरो विणीयविणओ त्ति जणणिवयणेण । चित्ते अभावमाणं पि रक्खणं कुणइ बच्छाण ॥७४॥३९६५॥ अह अन्नम्मि दिणम्मिं गहिउं वच्छाणि जाइ अडवीए । वच्छेसु चरंतेसु जा वीसमई खणं एवं ॥७५॥३९६६॥ ता एगत्थ वणम्मि निसुणइ सत्थाण गुणणियासई । चिंतइ य "हंत ! कत्थ वि एसो नणु गुणणियासद्दो" ॥७६॥३९६७॥
१०
४७२
१. दुन्नि त्रु० ।। २. दितेहिं पा० विना ।। ३. भुत्तूण त्रु० ।। ४. "हसंला पा० ॥ ५. माणुस पा० का० ।। ६. मणुस्स जे० ७० ।। ७. तुज्झेहिं का० ॥
