________________
सिरिसंतिनाहचरिए
सूरस्स रायस्स
कहाणयं
* तो जणणीए भणियं 'पुत्तय ! मा भणसु एरिसं वयणं । तुमए परिवारेण य जुयाए कह मह दुहं होही?' ॥४३॥३९३४॥
तो परिवारजुया जा चलिया सा धारिणी महादेवी । ता वारिओ समग्गो परिवारो देवराएणं ॥४४॥३९३५॥ * भणियं 'इमेण समयं जो वच्चइ तस्स निच्छयं पाणे । घेच्छामि' इय भणे उद्दालइ वाहणाई पि ॥४५॥३९३६॥ * अह दोन्नि वि भगिणीओ कुमरेण समं चलंति पाएहिं । संबलमत्तं किंची पिडए घेत्तूण सीसम्मि ॥४६॥३९३७॥
ता पुरवरस्स मज्झे हाहकारो दढं समुच्छलिओ । पाएण नऽत्थि को वि हु जेण न अंसुल्लियं वयणं ॥४७॥३९३८॥ ५ • जंपइ य 'अहो ! अजं नयरमणाहं दढं इमं जायं । अजं चिय पंचत्तं पत्तो सिरिवीरसेणो वि ॥४८॥३९३९॥
नूणमधन्न एयं जं मुच्चइ एरिसेण पुरिसेण । अहवा वि कप्परुक्खो, किं होइ थिरो अधन्नाणं' ॥४९॥३९४०॥ इय पुरजणवयणाई निसुणंताई कमंति पाएहिं । मोत्तूण तयं देसं अवंतिदेसम्मि पत्ताई ॥५०॥३९४१॥ तत्थऽत्थि पुरी रम्मा उज्जेणीनाम दसदिसिपयासा । तीए य अत्थि राया जियसत्तू नाम विक्खाओ ॥५१॥३९४२॥ तस्सऽत्थि अग्गमहिसी कणयसिरी नाम रूव-गुणकलिया । अह पुरवरीए बाहिं ताई छायाए वीसमहिं ॥५२॥३९४३॥ १० चिंतइ देवी अह वीसमंतिया “हा! हयास ! रे देव्य ! । किं एयं अम्हाणं विहियमवत्थंतरं विसमं? ॥५३॥३९४४॥
४७०
१. तो बहुपरिवारजुया जा जे०का० ।। २. अपुन्नाण जे० का० ।। ३. देव त्रु० ।।
