________________
सिरिसंतिनाहचरिए
इय जा दिटु राउ एवंविहवेयणभरवियल्लिउ, भड-सामंतमाइपरिवारु असेसु वि दारुणदुक्खसल्लिउ ।
सूरस्स रायस्स जाव असज्झु वाहि वेज्जेहिं विभाविवि सिग्घु जंपिउ, गुंदलगुंदलेहिं आलोचइ ता जणु सयलु कंपिउ ॥२१॥३९१२॥ कहाणयं 'जइ वि हु जेडो एसो कुमरो नामेण देवराओ त्ति । तह वि हु गुणेहिं जेडो होउ इमो वच्छराओ नियो' ॥२२॥३९१३॥ इय जणवायं सोउं एगेणं मंतिणा समं मंतं । काऊण देवराओ गेण्हइ गय-तुरयसंघायं ॥२३॥३९१४॥ सोऊण कलयलं तं पुच्छइ राया 'किमेस आहट्टो?'। अह परियणेण भणियं 'देव ! इमं एरिसं जायं ॥२४॥३९१५॥ ५ तो माणसियदुहेणं दुगुणयरं पीडिओ निवो भणइ । 'हा! हा! अहो ! अजुत्तं कजमिण मंतिणा विहियं ॥२५॥३९१६॥ नहु वच्छरायकुमरं मोत्तुं अन्नस्स जोगया अत्थि । एयं पि होउ, अहवा करेमि किं एरिसाऽऽवत्थो ?' ॥२६॥३९१७॥ इय जंपिऊण राया पंचत्तं पाविओ सुटुक्खत्तो । जाओ य देवराओ राया मंतिस्स वयणेण ॥२७॥३९१८॥ किंतु न जणाणुराओ तहाविहो अत्थि तहवि सो रज्जं । कुणइ इयरो वि गच्छइ ओलग्गाए पइदिणं तु ॥२८॥३९१९॥ जोहाराई सव्वं पडिवत्तिं कुणइ जह व जणयस्स । किंतु जणो सव्वो वि हु अणुरायं धरइ कुमरम्म ॥२९॥३९२०॥ १० ॥ तं नाऊणं मती चिंतइ हिययम्मि संकिओ अहियं । "नूणमिमो वद्धंतो रजं अवहरइ निच्छयओ ॥३०॥३९२१॥ ताजा कोमलवाही ता जत्तं एत्थ किंपि चिंतेमि" । इय मोहमोहियमई वियप्पए दुजणसहावो ॥३१॥३९२२॥ १. जुत्तं पा० ॥
