________________
* दुहं पक्खीणं
वेरसंबंधवण्णणं
सिरिसंति- संखणईए तीरे मजंति अहऽन्नया पवरनीरे । मजंताण य जाओ संलावो रयणनिम्माओ ॥१९॥३८२४॥ नाहचरिए एक्को भणेइ 'मज्झं' बीओ उल्लवइ 'नो इमं तुज्झं' । एवं जुज्झंताणं जायं जुज्झं महं ताणं ॥२०॥३८२५॥
कोवायंबिरनयणा वियलियनेहा अईवखरवयणा । अवरोप्परसंजुडिया अगाहनीरम्मि ते पडिया ॥२१॥३८२६॥ अट्टज्झाणवसगया रयणं झायंतया खयं विगया । मरिफ़ण मुक्ककाया दो वि हु पक्खी इमे जाया ॥२२॥३८२७॥ तुम्हाणं पञ्चक्खा निय-नियजाईगुणेसु जे दक्खा । अह कमसो वड्ढंता जोव्वणसमयम्मि संपत्ता ॥२३॥३८२८॥ अन्नदिणे हिंडंता पेच्छंति परोप्परं मउम्मत्ता । पुव्विल्लयवेरवसा जुज्झत्थमुवटिया सहसा ॥२४॥३८२९॥
ते पारेवय-भिडिया कहमवि मह दिटुिगोयरं पडिया । ता एसो निभतो सिट्ठो सउणाण वित्तंतो" ॥२५॥३८३०॥ * इय जंपिउं सुमणसो झडत्ति तियसालयं गओ तियसो । तं दटुण नरिंदा मेहरहं बैंति साणंदा ॥२६॥३८३१॥ 'सामिय ! को पुण एसो सुकंतवररूवधारओ तियसो । अम्हाणं सविसेस एवं साहेहि नीसेस' ॥२७॥३८३२॥ तो सजलजलयगंभीरनिस्सणो भणइ मेहरहराया । 'जइ कोउयं महतं निसुणह तो देववुत्तंतं ॥२८॥३८३३॥ "एत्थेव जंबुदीवे दीवे पुव्वम्मि तह विदेहम्मि । सीयामहाणईए दाहिणकूलम्मि अत्थि वरं ॥१॥३८१३४॥ वरविजय रमणिज्जं रमणिज्जं बहुविहेहिं देसेहिं । तत्थ सुभानामेणं नयरी, तीए य आसि णिवो ॥२॥३८३५॥
४५८
१. मयुम्मत्ता पा० ।। २. ए पा० जे० ।। ३. युत्ततो पा० विना ।। ४. ता त्रु० ।।
