________________
* दुण्हं पक्खीणं
वेरसंबंधवण्णणं
सिरिसंति- 'निसुणसु सामिय ! अजं सुमिणे जं मज्झ वित्तयं कजं । उच्छंगे वसहजुयं पासित्ता उढ़िया लहुयं' ॥७॥३८१२॥
तं सोऊणं वणिओ जंपइ रोमंचिओ अइसु भणिओ । 'कंते ! सुमिणं एवं काही अम्हाण बहुसेयं ॥८॥३८१३॥ किंच तुहं पुत्तजुयं जणमणआणंदयं जहा कुमुयं । होही गुणगणकलियं तरु व्व सुहपुण्णफलफलियं' ॥९॥३८१४॥ तं सोऊणं एसा भणइ 'इमं होउ' विहियसंतोसा । तो तेणाऽणुन्नाया नियाणे जाइ विन्नाया ॥१०॥३८१५॥ तत्थ य पहिटुचित्ता रोमंचुच्चइयसयलनियगत्ता । वहइ सुहेणं गभं कयबहुपुण्णेहिं जं लभं ॥११॥३८१६॥ पसवइ य पसवसमए पुत्तजुयं जं सया मणं रमए । वद्धावणाइ काउं कुणंति नामाई बिन्नाउं ॥१२॥३८१७॥ पढमस्स धणो नाम, बीयस्स य नंदणो त्ति जणरामं । ते दोन्नि वि वद्धता जोव्वणसमयम्मि संपत्ता ॥१३॥३८१८॥ आणित्तु बालियाओ रूवाईबहुगुणोहकलियाओ । पाणिग्गहणं रम्मं जणएण करावियं सम्मं ॥१४॥३८१९॥ ते दो वि उवललंता चिटुंति विसिटुभोयसंजुत्ता । अह अन्नया कयाई जणयं जंपति सुहभाई ॥१५॥३८२०॥
जह 'ताय ! वणिज्जेणं अम्हे बच्चामु दो वि वजेणं' । तेणाऽवि अणुन्नाया वयंति बहुविहियसंघाया ॥१६॥३८२१॥ * अह कमसो गच्छंता नागपुरं नाम पुरवरं पत्ता । जा तत्थ ववहरंती कह कह वि हु ताव पावंती ॥१७॥३८२२॥
एग अमुल्लरयणं बहुविहलच्छीभरोहविक्कयणं । तं दर्दु संखुद्धा लोहेणं तम्मि ते लुद्धा ॥१८॥३८२३॥ १. तुह पुत्तजुयलं जण जे० ।। २. °लबरगत्ता का० ।। ३. जणनाम जे० पा० ।।
४५७
