________________
दसमेक्कारसभवग्गहणाई
सिरिसंति- भिडिएण वि पडिभणियं 'नाऽहं अन्नेण मारियं खामि । सयमारियं फुरतं मंसं भक्खेमि अणुदियह ॥२९॥३७८८॥ नाहचरिए तो नरवरो पयंपइ 'जइ एवं, देमि तो नियमसं । जेत्तियमेत्तं एसो तुलइ तुलातोलिओ संतो' ॥३०॥३७८९॥
ॐ जपइ इमो वि ‘एवं ति होउ, तोलित्तु देहि नियमसं' । राया वि हु आणावई तत्थ तुलं वरदयारसिओ ॥३१॥३७९०॥
डावेइ एगपासे तुलाए पारेवयं तओ बीए । पक्खिवइ निययमसं उक्कत्तित्ताण छुरियाए ॥३२॥३७९१॥ जह जह पक्खिवइ णिवो छिदित्ता नियसरीरमंसाई । तह तह गुरुभारेणं वडूढइ पारेवओ अहियं ॥३३॥३७९२॥ अइगुरुभारभरेणं वडूढतं तं निएवि नरनाहो । बहुसाहसेक्करसिओ आरुहइ तुलाए सयमेव ॥३४॥३७९३॥ तं आरूढं दटुं सहसा सामंतकलयलो जाओ। 'हा! हा ! सामिय! मा कुण एयं अह साहसं गरुयं ॥३५॥३७९४॥ मा मा चयाहि अम्हे एवमयंडम्मि वरपहु ! अणाहे । एयस्स पक्खिमेत्तस्स कारणे जीयनिखेक्खो ॥३६॥३७९५॥ किंच इमं उप्पाइयरूवं तक्केमु किंचिवि सुसामि ! । जम्हा हु इमो पक्खी, एत्तियमेत्तं तुलइ नेय' ॥३७॥३७९६॥ एवं जाव नरिंदा विसन्नचित्ता भणंति दीणाई । ताव सहस त्ति जाओ पच्चक्रवो अह सुरो एगो ॥३८॥३७९७॥ चलचवलकुंडलिल्लो रयणुक्कडवरकिरीडधरियसिरो । रंखोलमाणवरहाररइयवच्छत्थलाभोओ ॥३९॥३७९८॥ वरकडय-तुडियभूसियभुयजुयलो ललियअंगुलेयाओ । नियदेहपहापयरिसपच्छाइयसयलनरनाहो' ॥४०॥३७९९॥
ta
४५५
१. भक्खामि पा० ।। २. आणबइ पा० त्रु० ।। ३. हसिक त्रु० ॥
