________________
सिरिसंति- नाहचरिए
सीहरहरण्णो वुत्तंतं
ता अन्नम्मि दिणम्मि रयणीए पच्छिमम्मि जामम्मि । जग्गित्तु निवो एवं चिंतइ संवेगमावन्नो ॥२०॥३६९३॥ "हा ! हा ! कहं पमत्तेण विसयलुद्रेण मूढचित्तेण । वुड्ढत्तणं पि इंतं न लक्खियं पावकम्मेण ? ॥२१॥३६९४॥ संपइ किं व करिस्स इंदियवेयल्लनिस्सहसरीरो ? । ता संपयं पि धम्म करेमि संसारनिद्दलणं ॥२२॥३६९५॥ गावेउ सीहरहे कुमरं रज्जम्मि सुगुरुपयमूले । सावजजोगविरई काउं साहेमि सिवसोक्खं" ॥२३॥३६९६॥ इय चिंतंतस्स निवस्स झत्ति जा जामिणी अइक्कंता । कालनिवेययपुरिसेण ताव एवंविहं पढियं ॥२४॥३६९७॥ 'तिमिरक्खयं करेंतो उग्गमइ इमो नरिंद! दिणनाहो। सातो इव लोयाण, कुणह तिमिरक्खयं तुभे ॥२५॥३६९८॥ पयडियपयत्थसत्थो साहइ लोयाण एस दिवसयरो। तुब्भे वि सव्वतत्ते पयडह सन्नाणजोगेण ॥२६॥३६९९॥ इय सोऊणं राया चिंतइ "नणु सुंदरं इमं पढियं । मह चिंतियाणुरूवं करेमि सव्वं पिता सिग्घ" ॥२७॥३७००॥ इय चिंतिऊण सेनं मोत्तुं मुहधोवणाइयं काउं । निविसइ अत्थाणम्मि समत्थलोएण परियरिओ ॥२८॥३७०१॥ पत्थावं नाऊणं नियआकूयं कहेइ लोयस्स । तेहिं वि भणियं 'सामिय ! किमकंडे चेव परिचयसि ?' ॥२९॥३७०२॥ भणइ निवो ‘मा विग्यं काहिह तुम्हाण सामिओ इण्हि । सीहरहो, ता किज्जउ सव्वा सामग्गिया पउणा' ॥३०॥३७०३॥ मन्नित्तु रायवयणं करेंति सामग्गियं तओ पउणं । अहिसिंचइ सीहरहं महया रज्जाभिसेएण ॥३१॥३७०४॥ १. करितो का० ।। २. साहितो जे० ।। ३. परिगरिओ त्रु० ।।
४४७
