________________
चंदतिलयसूरतिलयाण पुव्वभववण्णणं
सिरिसंति- अत्थि पुरी पोराणा सुपसिद्धा पंडरिगिणिनामेणं । तं पालइ वरराया खाओ हेमंगओ नाम ॥७४॥३६२०॥ नाहचरिए तस्सऽत्थि रूवकलिया देवी सिरिवइरिमालिणी नाम । तीए गन्मम्मि निवो उप्पज्जइ पुव्वकर्यपुन्नो ॥७५॥३६२१॥
चोद्दसहि पवरसुविणेहिं सूइओ पसवसमयकालम्मि । जाओ कयजम्ममहो ! सुरसेले सुरवरिंदेहिं ॥७६॥३६२२॥
सिरिघणरहकयनामो वड्ढंतो जाव जोव्वणं पत्तो । ता विओ रजम्मि भुंजइ भोए तहिं पवरे ॥७७॥३६२३॥ * जे विजय-वेजयंता ते तुडभे दो वि एत्थ उप्पन्ना । सिरिचंदतिलय तह सूरतिलयनामेहिं सुपसिद्धा" ॥७८॥३६२४॥
इय पुव्वभवे कहिए ताणं मुणिणा तओ य ते दो वि । नमिऊण तयं साहुं उप्पइया गयणमग्गम्मि ॥७९॥३६२५॥ * अण्णोण्णं जंपता 'पेच्छामो पुव्वजम्मनियजणयं । जिणभावेणुप्पन्नं गंतूणं पुंडरिगिणीए' ॥८०॥३६२६॥
इय वोत्तूणं दोन्नि वि संपत्ता जाव तुम्ह पयमूले । ता तंबचूडजुद्धं एयमिहं संपलग्गं ति ॥८१॥३६२७॥ दणं जुझंते कोडेणं कुक्कुडे इमे दो वि । विजाबलेण रूवे नियए छायंति दो वि इमे ॥८२॥३६२८॥ तत्तो संगेण्हती एक्ककं निययपवरविजाहिं" । अइकोउयरसभरिया 'एवमिमं वट्टए सामि !' ॥८३॥३६२९॥ इय मेहरहस्स इमं वयणं सोऊण दो वि ते खयरा । पायडरूवा होउं घणरहपाएसु निवडंति ॥८४॥३६३०॥
xx
१. गिणि त्ति ना त्रु० जेसं० ।। २. रूयक जे० त्रु० ।। ३. यउन्नो त्रु० का० || ४. दृश्यतां चतुर्थ परिशिष्टम् ।। ५. "नामेण सुप त्रु० ।।
