________________
चंदतिलयसूरतिलयाण पुव्वभववण्णणं
सिरिसंति- चंदतिलओ, बीयस्स सूरतिलओ त्ति । वढिया देहोवचएण, गहियविज्जाकलावा य जाया जोव्वणत्था । अन्नया य नाहचरिए गया जिणपडिमाबंदणत्थं सुरसेलसिहरे । तत्थ य वंदियाओ जिणचंदपडिमाओ, थुयाओ भावसारं । अवि य
"जय रिसहनाह ! देविंदवंद ! हयमोहमहानिवसुहडवंद ! । जय दुक्खदावजालोलिकंद ! उम्मूलियभवतरुमूलकंद ! ॥२५॥३५६९॥ जय वद्धमाण ! गुणगणसमुद्द ! कोहाइसत्तुनिटुवण रुद्द ! । जय संजमभरधुरधरणधवल ! ससहरकरसमजसपसरधवल ॥२६॥३५७०॥ जय वारिसेण ! तेलोक्कदीव ! भवजलहिपडियजणपवरदीव ! । जय रायमहागिरिदलणवज ! संपावियसिवपुरिपवररज्ज ! ॥२७॥३५७१॥ जय सिरिचंदाणण ! जिणवरेंद ! भव्वारविंदवणपुण्णचंद ! ।
जय दोसभुयंगमदमणमंत! सिव! सिद्ध ! निरंजण! सुप्पसंत!"॥२८॥३५७२॥ एवं च थोऊण सासयपडिमाओ कोउगेण जाव परिभमंति, ताव विसालकंचणसिलायलसुहनिसणं पेच्छंति *चंदणसायरचंदं नाम चारणसमणं । जो य,
१. सो पा० ।
४३२
