________________
सिरिसंति
नाहचरिए
तओ मणोहरीए समाणत्ता दासचेडी- 'हला ! आणेहि मह संतियं वज्जतुंडं कुक्कुडयं' । आणिओ वयणाणतरमेव * जुझंताणं दासचेडीए । तओ रायपुरओ चेव मुक्का दो वि भूमीए, लग्गा य जुज्झिउं । अवि य
तंबचूडाणं परिभमहिं दो वि, फुल्लंति दो वि, उल्ललहिं दोन्नि वि सगव्या । देति चरणप्पहारे दोन्नि वि आरत्तनयणजुया॥१४॥३५३९॥ पुव्वभववण्णणं दोन्नि वि रोसाइद्धा, दोन्नि वि घायंति चंचुपहरेहिं । ते दोन्नि वि कयकरणा, ते दोन्नि विचारुरूवधरा ॥१५॥३५४०॥ दोन्नि वि रायसहाए पसंसपत्ता खणंतरं जाव । जुझंति ताव भणियं घणरहराएण वयणमिणं ॥१६॥३५४१॥ 'एक्को विहु एयाणं न जिप्पिही अइपभूयजुज्झे वि' । सोऊण इमं वयण भणियं मेहरहकुमरेण ॥१७॥३५४२॥ दोण्हं जुझंताणं एक्कस्स जउ त्ति सुप्पसिद्धमिणं । को एत्थं भूयत्थो जेणेव ताय जंपेह ?' ॥१८॥३५४३॥ तो घणरहेण भणियं 'पुत्त ! निसामेहि एत्थ परमत्थं । एक्को विहु एयाणं न जिप्पिही जेण कजेण' ॥१९॥३५४४॥
"अत्थि इहेव जंबुद्दीवे दीवे एरवए वासे रयणउरं नाम नयरं । तत्थ दोन्नि वाणियगा परोप्परमित्ता परिवसति । * ताणं च पुण नामाई एगस्स धणवसू, बीयस्स धणदत्तो । सहिया चेव सगडीए बवहरंति अणियत्तधणासा य १० *णाणापगारस्स भंडस्स सगडीसागडं भरेऊण ववहरंता गाम-नगर-खेड-कब्बड़-मंडब-दोणमुह-संवाहा-ऽऽसमेसु परिभमंति । ते य एवंविहे वाहति बइल्ले, अवि य
४२७
१. आणेह का०॥
