________________
सिरिसंतिनाहचरिए
दसमेक्कारसभवग्गहणाई
तओ जाव दढरहो, किंचि परिभावेउमाढत्तो, ताव भणियं मेहरहेणं- 'किमेत्थ चिंतिज्जइ ? 'सवण' ति । 'अहो ! तायस्स सत्ति' त्ति भणमाणा परं विम्हयं पत्ता सव्वे । एवं च विसिटुविणोएण जाव चिटुंति खणमेकं ताव समागया सुसेणा नाम गणिया, अवि यआयंबतलिणनहनियररेहिरा कुम्मपटुिसमचरणा । गोपुच्छतुल्लजंघा करिससणोरू विसालकडी ॥७॥३५३२॥ गंभीरनाहिकलिया सुखाममज्झा विसालथणवढा । सुकुमालबाहुलइया सुकंबुकंठा सुवयणा य ॥८॥३५३३॥ रिउनासा सुस्सवणा सुकमलदलदीहलोयणजुया य । चंदद्धसरिसभाला मिउकुंचिय कसिणचिहुरभरा ॥९॥३५३४॥ - इय रूवधरा गणिया करयलसंगहियपवरकुक्कुडया । पविसित्तु निवसमीवे विन्नवई जोडियकरग्गा ॥१०॥३५३५।। 'देव ! मह तंबचूडो एसो जुज्झम्मि जिप्पए नेय । केणाऽवि कुक्कुडेणं, अह जिप्पइ केणवि कहिंचि ॥११॥३५३६॥ तो देमि सयसहस्सं दीणाराणं न एत्थ संदेहो । इय तुम्ह पायपुरओ होउ पइन्ना इमा मज्झ ॥१२॥३५३७॥ जइ अन्नस्स वि कस्स वि गव्यो चरणाउहम्मि निययम्मि । सो आणेउ तुरंतो तुम्हाणं पायमूलम्मि' ॥१३॥३५३८॥
एयं च तीए सगव्ववयणमायन्निऊण रायपासोवविद्याए भणियं मणोहरिणामाए देवीए- 'देव ! जमेसा भणइ पणियं, तेण चेव पणिएण जुज्झउ मह तंबचूडो तुम्हाणं चेव पयमूले' । राइणा भणियं– 'इमं होउ, को विरोहो ?'।
४२६
१. परिभाविउ त्रु० ।। २. कुम्मपुद्धि जे० ।। ३. होइ जे० विना ।। ४. पाय पा० ।।
