________________
सिरिसंतिनाहचरिए
अट्ठम-नवमभवग्गहणाई
'भयवं तिलोयबंधव ! तिहुयणवरनाणदंसणपईव ! । तेलोक्कसिरीभूसण ! तिहुयणपरिवंदिय ! मुणिंद ! ॥१॥३४३०॥ तुह वयणामयपाणं कुणमाणस्सेह मज्झ संजाओ । गिहवासचागरूवो परिणामो सव्वविरईए ॥२॥३४३१॥ ता जाव निययरजे ऽवेमि सहसाउहं वरकुमारं । ता तुम्ह पायमूले पव्वजं अत्भुवेहामि' ॥३॥३४३२॥ भयवया वि भणियं- 'सोम ! 'दब्भऽग्गलग्गजललवतरलसहावम्मि माणुसत्तम्मि । धम्मे पयट्टमाणो खणमवि मा काहिसि पमायं ॥४॥३४३३॥ देवउलसिहरसंज्यिपवणविधुव्वंतधयवडचलाओ। रिद्धीओ नाऊणं खणमवि मा काहिसि पमायं ॥५॥३४३४॥ वोलावणयसमाणे अद्धप्पहगामुयम्मि लोयाण । तारुण्णयम्मि भद्दय ! खणमवि मा काहिसि पमायं ॥६॥३४३५॥ खरयररविकरतावियसरवरनीरे व्व झिज्झमाणम्मि । पइदियहमिंदियबले खणमवि मा काहिसि पमायं ॥७॥३४३६॥ हल्लंतनीरसंगयससंकबिंब व अइदुगेज्झम्मि । रमणीयणम्मि सुंदर ! खणमवि मा काहिसि पमायं ॥८॥३४३७॥ संगाममज्झलग्गिरसव्वत्तोतिक्खभल्लिसरिसासु । देहम्मि आवयासु खणमवि. मा काहिसि पमायं ॥९॥३४३८॥ फोडियमहुउड्डावियभमरसमूहे व्व विद्दवतम्मि । रोयाणं संघाए खणमवि मा काहिसि ममायं ॥१०॥३४३९॥ इय केत्तियं व भन्नउ?, सुपुरिस! एवंविहम्मि संसारे। गेहम्मि गओ संतोखणमवि मा काहिसि पमायं ॥११॥३४४०॥
9000
४०८
१. °चायरू पा० ।। २. कित्तियं त्रु० का० ॥
