________________
सिरिसंतिनाहचरिए
अटुम-नवमभवग्गहणाई
सव्वम्मि वि खीणम्मि उप्पाडइ केवलं वरं नाणं । देवांगमणं केवलमहिम दगुण हिमचूलो ॥६॥३४२६॥ भयथरहरंतगत्तो पविसइ सरणम्मि भयवओ झत्ति । भयवं पि हु आउखए वचिस्सइ मोक्खसोक्खम्मि ॥७॥३४२७॥
वजाउहचक्कवट्टी वि बत्तीसनरनाहसहस्सपरिवुडो तस्स महिमं कोऊण, सोऊण य धम्म पविट्ठो नयरीए । अन्नया य समोसरिओ भयवं खेमंकरजिणो । वद्धाविओ य निउत्तपुरिसेहिं खेमंकरजिणआगमणेणं चक्कवट्टी । अवि य'वद्धाविज्जसि सामिय ! असेससुरनाहनमियपयकमलो । बहुसमणसंघसहिओ समोसढो देव ! तुह जणओ ॥१॥३४२८॥ तित्थंकररिद्धीए दिप्पंतो कणयपउमकयपाओ। सिरिखेमकरनाहो नयरीपुव्युत्तरदिसाए' ॥२॥३४२९॥
तं च निसामिऊण भत्तिवसपरब्बसेणं आइटुं नरनाहेणं, जहा- 'कोह रह-करि-तुरंगाइसामग्गि जेण वच्चामो में वओ वंदणत्थं' । तओ आएसाणंतरमेव संपाडियं सव्वममच्चेहिं । तओ महाविभूईए गओ भयवओ बंदणत्थं । वंदिओ तिपयाहिणाऍव्वयं भावसारं । उवविट्ठो य निययहाणे, पारद्धा य भयवया सव्वसत्तसभासाणुगामिणीए भारईए धम्मदेसणा । तं च सुणंती खंड-खीरपाणतित्त व्व डिया निच्चलकन्ना सव्वपरिसा, खणमेत्तेण य उडिओ वजाउहो तिपयाहिणापुरस्सरं च विन्नविउमाढत्तो, अवि य
४०७
१. यलिम त्रु० ।। २. करेहि पा० ।। ३. भगवतो त्रु० ।। ४. पुर्व जे० विना ।। ५. °सत्तभा पा० ।।
