________________
अटुम-नवमभवग्गहणाई
सिरिसंति
इयरो वि नलिणकेऊ मयम्मि सिरिविंझदत्तरायम्मि । आणामियसामंतो पालेइ कमागयं रजं ॥२६॥३३७५॥ नाहचरिए
तीसे पहंकराए रइसुहरसनिवहपाणदल्ललिओ । दोगुंदगदेवो इव गयं पि कालं न याणाइ ॥२७॥३३७६॥ - अह अन्नया कयाई पहंकराए समं समारूढो । वरपासायतलम्मि पेच्छइ सोहं पुरवरस्स ॥२८॥३३७७॥
एत्थंतरम्मि गयणे समुग्गया विविहवण्ण-रूबधरा । नयण-मणाणंदयरा घणनिवहा दिसिगइंद व्व ॥२९॥३३७८॥ भिंगंजण-ताल-तमाल-गवल-अलिवलयसन्निहा के वि । फलिणी-कंदलदलचय-कीरच्छविसच्छहा अन्ने ॥३०॥३३७९॥ किंसुय-सुयमुह-गुंजद्ध-जवय-हिंगुलुयनियरसम के वि । हरियालभेय-कंचण-कणियारयकुसुमसम अन्ने ॥३१॥३३८०॥ हिम-हार-फलिह-गोखीर-कुंद-फेणंकसप्पहा के वि । उत्तुंगगिरिवरा इव मेहा पूरंति नहविवरं ॥३२॥३३८१॥ घणगज्जियभरियणहा विजलयालोयकयचमक्कारा । सव्वत्तो संछाइयदिसिविवरा नयणमोहणया ॥३३॥३३८२॥ दटुणं तारिसए घणणिवहे हरिसणिभरो राया । सव्वत्तो अवलोयइ खणमेकं विम्हिओ जाव ॥३४॥३३८३॥ ताव खर-फरुस-उदंडपवणरिंछोलिपेल्लिया संता । पेच्छंतस्सेव णिवस्स झत्ति असणीहूया ॥३५॥३३८४॥ | दटुण नरिंदो सहसा संवेगमागओ अहियं । चिंतइ "हा ! कह एए, खणेण एवं विलीण ? ति ॥३६॥३३८५॥. जह एसा घणरिद्धी खणमेत्तेणं पुणो वि य अरिद्धी । तह सव्ये संजोगा विहडंति लवऽद्धमत्तेण ॥३७॥३३८६॥ १. आणाविय जे० विना ।। २. याणेइ त्रु० ।। ३. कयाई का० ।। ४. °मुन्नया जे० ॥ ५. °लतेय जे० ।। ६. बिंभिओ पा० त्रु० ।। ७. "मित्तेण त्रु० ॥
४००
