________________
सिरिसंतिनाहचरिए
अटुम-नवमभवग्गहणाई
waravavawanavavawwaravavawaravawanavavanawaranaisEWSNEWS
ता जाव इमे पुरिसं खणमेत्तेणं चयंति नो भोगा । ता परिहरामि एत्थं" सहसा संवेगमावन्नो ॥३८॥३३८७॥ तोऽणिचभावणं भाविऊण पुत्तं वित्तु रज्जम्मि । तणमिवपडग्गलग्गं बिहुणिय रिद्धिं विणिक्खंतो ॥३९॥३३८८॥ सिरिखेमंकरजिणवरपयपासे भत्तिनिटभरो धणियं । संवेगाइसयाओ करेइ उग्गं तवचरणं ॥४०॥३३८९॥ कालंतरेण य तओ दहिउँ घणघाइकम्मसंघायं । सासयमउलमणतं उप्पाडइ केवलं नाणं ॥४१॥३३९०॥ तत्तो कमेण चइउ असारदेह इमं गओ मोक्खं । सुहसागरावगाढो संजाओ सासओ सिद्धो ॥४२॥३३९१॥ सा वि पहकरनामा पगईए भद्दगा मिउसहावा । सुव्वयगणिणिसमीवे करेइ चंदायण विहिणा ॥४३॥३३९२॥ तेण तवस्स फलेणं सम्मत्ताईहिं विरहिया मरि । एत्थेव समुप्पन्ना संतिमई एस तुह धूया ॥४४॥३३९३॥ सो वि य दत्तो एसो संजाओ अजियसेणनामो त्ति । एएण इमा तत्थ उ कहवि भमंतेण सच्चविया ॥४५॥३३९४॥ तो परभवनेहेणं तेणं एएणिमा समुक्खित्ता । ता मुंचह से कोव एवं संसारविद्धिकरं ॥४६॥३३९५॥ खमह य इमस्स सव्वं अणुबंध पयहिऊण भावेण । जम्हा अमुचमाणो अणुबंधो होइ दुहकारी ॥४७॥३३९६॥ के वि हु अणुबंधेण बहुवेरपरंपराओ काऊण । अवरोप्परघाएणं पडंति जीवा महानरए ॥४८॥३३१७॥ जो पावो अणुबंध न मुयइ विउसेहि भन्नमाणो वि । सो भमडइ संसारे अणोरपारे समुद्दे वे" ॥४९॥३३९८॥
४०१
१. चविउं पा० ० ।। २. दृश्यता तृतीय परिशिष्टम् ।। ३. व्व जे०॥
