________________
चउण्हं सुण्हाणं बुद्धिपरिक्खणं
सिरिसंति- छोल्लेऊणं तत्तो भक्खित्ता कुणइ निययकम्माई । सेट्ठी वि हु हक्कारइ तइयं अह रक्खियं वहुयं ॥२४॥३२५३॥ नाहचरिए तीए वि हु तह चेव य समप्पए सालिअक्खए पंच । सा वि हु एगंतगया चिंतेउं एवमाढत्ता ॥२५॥३२५४॥
"नूणं कजं किंचिवि होही एत्थं महंतयं जेण । दव्ववयं काऊणं समप्पए लोयपच्चक्खं ॥२६॥३२५५॥ ता रक्खेमि इमे हं महया जत्तेण जइय कइया वि । मग्गेही तइया हं एए दाहामि ससुरकरे" ॥२७॥३२५६॥ इय चिंतिऊण तीए आभरणकरंडियाए निययाए । पक्खित्ता बंधेउं सुद्धे वत्थम्मि पवरम्मि ॥२८॥३२५७॥ पडियग्गए तिसंझं, करेइ तत्तो य निययवावारं । एवं चिय हक्कारइ रोहिणिनामं चउत्थं पि ॥२९॥३२५८॥ तीए वि करे दाउं जंपइ सालीण अक्खए 'पुत्ति ! । जइया मग्गेमि अहं अप्पेयव्वा तया एए' ॥३०॥३२५९॥ गंतूणं एगते सा वि हु हिययम्मि चिंतए एवं । "बहुविहमइसंजुत्तो मज्झ गुरू नऽत्थि संदेहो ॥३१॥३२६०॥ बहुसत्थकम्मियमई सुदीहंदसी महायणपहाणो । अचंतं गंभीरो बहुदिट्ठो नीइपरिकलिओ॥३२॥३२६१॥ ता किंचि गरुयकजं हियए विऊण मेलिओ लोगो। दिन्ना य मज्झ हत्थे सालिकणा तस्स पच्चक्खं ॥३३॥३२६२॥
ता वाविऊण एए वद्धारिजंति एस मह बुद्धी" । इय चिंतिऊण सिग्घं हक्कारइ भाउए नियए ॥३४॥३२६३॥ ॐ भणइ य 'भो ! भो ! जाए वरिसाकालम्मि निवडिए उदए । नियकेदारयमज्झे खुडलयं करिय केयारं ॥३५॥३२६४॥
३८८
१. छोलेऊणं पा० ।। २. °ए एयाए पा० ।। ३. खड्डलयं का० ।।
