________________
सिरिसंतिनाहचरिए
पक्खिणराहिवस्स कहाणयं
मा एत्थ भो! कीरउ कालखेयो, जा अज्ज वी जाइ न दूरि देवो'। सोऊण तं झत्ति समारुहंति आसेसु सामंत तहेव मंति ॥१६॥३१८२॥ जं जोगमन्नं पि तयं गहेंति पयाणुसारेण झडत्ति जंति । राया वि भूमीए जहोचियाए आसेण वेगेण अइच्छियाए ॥१७॥३१८३॥ खंचेइ रसि वलणटुयाए धावेइ आसो दुगुणटुयाए । 'दुट्ठो' त्ति नाऊण पुणो पयत्तं काऊण आखंचइ वेगपत्तं ॥१८॥३१८४॥ आसो वि दुगुणं तिगुणं च जाइ आखंचमाणस्स निवस्स धाइ । निग्गच्छए जाव करेहिं रतं निविजए ताव निवस्स चित्तं ॥१९॥३१८५॥ मेल्लेइ बग्ग 'नणु जाउ तत्थ, एयस्स चित्तं किर गाइ जत्थ' । मुक्काए वग्गाए तुरंगमो वि पयं पि नो देइ सुवेयओ वि ॥२०॥३१८६॥ वियाणियं ताव निवेण "एसो विवक्खसिक्खो भविही महासो । तविजए काई गयम्मि कज्जे ? भावेत्तु" एयं तुरयं विसज्जे ॥२१॥३१८७॥
३७६
इत्थ त्रु० ।। २. असेससामं का० विना ।। ३. गिहंति पा० विना ।। ४. दूण जे० ।। ५. कार्य का० ।।
