________________
सिरिसंतिनाहचरिए
पक्खिणराहिवस्स कहाणयं
आणेइ तो आसवई महास नीसेससल्लक्खणसन्निवास । दटुं तयं भूमिवई वि तुटो, जंपेइ आणंदभरेण पुट्ठो ॥१०॥३१७६॥ 'घत्तेह पुट्ठीए इमस्स सम्मं मईयपल्लाणमईवरम्मं । आएसमेत्तेण तयं नरेहिं कयं समग्गं पि महायरेहिं ॥११॥३१७७॥ राया वि आरूढु महातुरंगे तोसेण नीसेसगुणोहचंगे। आरूढमेत्तेण नरीसरेण रंगाविओ झत्ति महायरेण ॥१२॥३१७८॥ भावं वियाणेत्तु तओ तुरंगो वेएण उद्धावइ अइसुरंगो। जंपेइ तो आसवई सदुक्खं सामंत-मंतीण पुरो विलक्खं ॥१३॥३१७९॥ 'जहा मए तोसभरेण अप्पा वीसारिओ आसि अहो ! दुरप्पा । आसस्स एयस्स मए सरूवं न अक्खियं सिक्खविवक्खभूयं ॥१४॥३१८०॥ 'देवो वि अण्णायहयस्सहावो हीरिस्सिही नूण महाणुभावो । तम्हा हु पल्लाणहसाहणाई गेण्हेत्तु नीराइं सभोयणाई ॥१५॥३१८१॥
३७५
१. रग्गाविओ पा० का० ।। २. याणित्तु त्रु० का० ।। ३. देवो अविण्णा जे० ।। ४. हरि पा० जे०।।
