________________
सिरिसंतिनाहचरिए
पक्खिणराहिवस्स कहाणयं
पल्लाणमोसारइ राउ जाव, सो धूविउं पडइ महीए ताव । मुक्को खणेणं तह जीविएणं मन्ने 'कयग्यो' त्ति विभाविऊणं ॥२२॥३१८८॥ मेल्लेत्तु तं चल्लइ रायसीहो तण्हा-छुहासोसियकंऊजीहो। भीमाडवीए दवदद्धियाए अच्चंततण्हाए विवद्धियाए ॥२३॥३१८९॥ 'जलं जल' ती परिमग्गमाणो सीहाइयाणं तु अबीहमाणो । पुरो ठियं पेच्छइ दीहसालं महावडं दिद्दिसुहं विसालं ॥२४॥३१९०॥ तं पेच्छिउं धावइ ऊससंतो निविटु छायाए अईवसंतो। पासाइं जा जोयइ ता वहतं निएइ बिंदूहिं जलं पडतं ॥२५॥३१९१॥ तस्सेव रुक्खस्स विसालियाओ सालाओ अचंतमहालियाओ। तं पेच्छिउँ चिंतइ "नीरमेयं कत्तोच्चयं हंत ! सुहोववेयं ? ॥२६॥३१९२॥ हु जाणियं पाउसकालनीरं साहाए रंधम्मि यिं गहीरं ।
तं संपर्य केहिं वि कारणेहिं साहाओ निग्गच्छइ बिंदुएहिं" ॥२७॥३१९३॥ १. जाणिजे० विना ।।
३७७
