________________
फुल्लबडुयस्स कहाणय
सिरिसंति- भणियं- 'देव ! जइ न करेमि, ता कस्स संतिओ होऊण जीवामि ?' । राइणा भणियं- 'जइ एवं, तो नियभाउणो नाहचरिए सीसं गिहिऊणाऽऽगच्छाहि' । तेण भणियं–'देव ! बच्छराओ अज्ज वि न सुवइ, देवराएण वि जग्गिय, ता खणमेक्कं
विमालेह जाव ते जग्गति । किंच जाव जग्गह ताव किंचि कहाणयं कहेह, सुणेह वा' । राइणा भणियं-'कहेहि,
सुणेमि,' त्ति । तेण भणियं-'जइ एवं, तो* "एत्थेव भरहखेत्ते रायपुरं नाम पुरवर अस्थि । उत्तुंगसिहरिउवरिम्मि संठियं रेहए रम्मं ॥१॥३०८३॥ *तं पालइ नरवसभो बहुहय-गय-रह-नरेहिं परियरिओ । नामेण सत्तूदमणो असेससत्तुयणभयजणणो ॥२॥३०८४॥
तस्सऽत्थि वरा देवी उत्तमसोहग्ग-भग्गसंजुत्ता । नामेण रयणमाला वरवित्ता रयणमाल व्य ॥३॥३०८५॥ तीए य समं भोए सो भुंजइ सुरवरो व्व दियलोए । अह अन्नदिणे अत्थाणसंडिओ चिटुए राया ॥४॥३०८६॥ तत्तो आगंतूणं पडिहारो विन्नवेइ 'देव ! जहा । कुसुमपुडियग्गहत्थो वंछइ तुह दंसणं बडुओ' ॥५॥३०८७॥ 'फुल्लबडुओ' त्ति काउं रण्णा भणियं 'लहुं पवेसेहि' । तेण वि पवेसिओ सो अत्थाणे नरवरेंदस्स ॥६॥३०८८॥ सहाणं नाऊणं उवविसई तत्थ ताव राया वि । वीसज्जइ अत्थाणं पविसइ वायामसालाए ॥७॥३०८९॥ तत्थ य बहुकरणेहिं, नाणासत्थाण गुणवणेहिं च । परिसंतो अभंगण-ण्हाणाईयं विहेऊण ॥८॥३०९०॥ १. सुबह ७०।। २. मालेहि ३० ।। ३. कहेहि का० ॥ ४. जियलो° पा० ।। ५. गणगणेहिं पा० ।।
३६६
