________________
सिरिसंतिनाहचरिए
फुल्लबडुयस्स कहाणयं
*पभणइ य 'फुल्लबड़यं सदावह तं अउव्वयं अज' । वयणाणतरमेव य समागओ रायपासम्मि ॥९॥३०९१॥
पूएइ निवो देव ढोयइ एसो वि फुल्लमाईयं । तविणएण य तुट्टो तं भासइ 'को तुम ?' राया ॥१०॥३०९२॥ तेण वि भणियं 'सामिय ! उत्तरदेसम्मि पुरवर अत्थि । नामेण सुविक्खायं रिट्ठउरं रिद्धिभरकलियं ॥११॥३०९३॥ तत्थऽत्थि माहणवरो सुपसिद्धो जन्नदत्तनामो त्ति । भजा वि य विजुमुहा, पुत्तो य सुहंकरो ताण ॥१२॥३०९४॥ अहयं निव ! संजाओ वेयकलामाइयं च सिक्खविओ । पच्छा उ देसदसणहेउं गेहाओ निक्खंतो ॥१३॥३०९५॥ हिंडंतो य कमेणं संपत्तो एत्थ तुम्ह नयरम्मि । फुल्लबडुयत्तणेण य दिटुं देवस्स पयजुयलं ॥१४॥३०९६॥ अजं चिय सकयत्थो देव ! इमो माणुसो इहं जम्मो । अजं चिय जाओ हं, अजं चिय सिक्खिओ किंचि ॥१५॥३०९७॥ अजं चिय नयणजुयं सकयत्थं देव ! मज्झ संजायं । जे तुम्ह पायजुयलं दिटुं पुहईए दुल्लंभं ॥१६॥३०९८॥ गाढयर तो राया रजियचित्तो इमं वई भणइ । 'जइ एवं तो चिटुसु मज्झ समीवम्मि निचिंतो' ॥१७॥३०९९॥ 'आएसो' त्ति भणित्ता सुहकरो तत्थ चिटुइ सुहेणं । किंतु तहिं चिटुंतो संजाओ बहुगुणग्यविओ ॥१८॥३१००॥ अग्गपहारी सूरो चाई सोहग्गिओ पियाभासी । दढसोहिओ कयन्नू बहुविहविन्नाणसंपन्नो ॥१९॥३१०१॥ वीससणिजो य ददं पहुभत्तो देस-काल-भावन्नू । किं बहुणा भणिएणं ? परिहरिओ सयलदोसेहिं ॥२०॥३१०२॥ १. वयं का पा० ।। २. निचंतो पा० ॥ ३. तहिं अच्छंतो सं त्रु० विना ।।।
