________________
* अमयंबनिवस्स
कहाणयं
सिरिसंति- "नूणं के वि हु एए पहाणकुल-बस-जाइसंभूया । जेण अणण्णसमाणा एएसिं आगिई परमा" ॥११॥२८७४॥ नाहचरिए * इय चिंतिऊण रन्ना तंबोलाईहिं पूइया अहियं । पुट्ठा य 'कओ तुडभे, केण व कजेण इह पत्ता ?' ॥१२॥२८७५॥
तं सोऊणं तेसिं लहुओ सव्वाण जंपए एवं । 'देवेगमणा निसुणह, साहिप्पतं मए एवं' ॥१३॥२८७६॥ “अत्थि इह उत्तरावहदेसालंकारवित्भमं नयर । नयरगुणखाणिभूयं कंचणतिलयं ति नामेणं ॥१४॥२८७७॥ तं भुंजइ वरनयर राया नामेण सत्तुदमणो त्ति । तस्सऽत्थि वरा दइया रूयवईनाम नामेण ॥१५॥२८७८॥ तीसे य तेण समय भोगे भुजंतियाए उप्पन्ना । चत्तारि वरा पुत्ता संजाया लोयविक्खाया ॥१६॥२८७९॥ पढमोऽत्थ देवराओ, बीओ पुण होइ वच्छराओ ति । दुल्लहराओ तइओ, चउत्थओ कित्तिराओ त्ति ॥१७॥२८८०॥ ते सव्वे कलगहणं कराविया सोहणं नरिदेण । पत्ता य जोव्वणम्मिं पुणो वि वीवाहिया कमसो ॥१८॥२८८१॥ अह अन्नम्मि दिणम्मि राया अइविसमरोगसंतत्तो । संडावइ जेटुसुयं रज्जम्मिं लोयपच्चक्खं ॥१९॥२८८२॥ दाऊण तओ सिक्खं पंचत्तं पाविओ नरवरिंदो । इयरो वि कुणइ रज्जं समत्थजणजणियआणंदो ॥२०॥२८८३॥ अह केत्तिए वि काले गयम्मि बलवंतगोत्तिएहि तओ । रज्जाओ टालिऊणं सयमेव अहिट्ठियं रज्जं ॥२१॥२८८४॥ सो वि य अभिमाणधणो निग्गंतूणं तओ इह पत्तो । नामेण देवराओ जो एसो तुम्ह पासत्थो ॥२२॥२८८५॥ १. समत्तज जे०।।
३४०
