________________
* अमयंबनिवस्स
कहाणयं
सिरिसंति- अवियारियम्मि कज्जे इहलोए वि हु पयट्टमाणाण। दोसा भवंति गरुया अमयंबनिवाइयाणं व" ॥७॥२८६१॥ नाहचरिए एत्थंतरम्मि सव्या परिसा कोऊहलाउला भणइ । 'भयवं ! साहेहि इमे अमयं व निवाइया के ते? ॥८॥२८६२॥
कह वा ताणं दोसो अवियारियकारयाण संजाओ?' भयव पि भणइ 'भो ! भो! साहिप्पत सुणेह इमं ॥९॥२८६३॥ "अत्थेत्थ जंबुद्दीवे दीवे भरहस्स मज्झखंडम्मि । नामेण सुप्पसिद्धो अवंतिदेसो गुणविसालो ॥१॥२८६४॥ . तत्थ पुरी पोराणा उज्जेणीनाम दसदिसिपयासा । धणवइपुरि व्व एत्थं अवइण्णा कोउएणं व ॥२॥२८६५॥ तं पालइ वरराया जियसत्तू नाम दसदिसिक्खाओ। जो वेरिवारविलयावेहव्ववयस्स परमगुरू ॥३॥२८६६॥ तस्सऽस्थि अग्गमहिसी कणयसिरीणाम मयसिलिंबऽच्छी । सोहग्ग-रूव-लावण्ण-कंति-दित्तीहिं जयपयडा ॥४॥२८६७॥ तीए समं सो भोए भुंजइ अचंतरायपडिबद्धो । पालइ य तहा रज्जं नाएणं जणहियटाए ॥५॥२८६८॥ अह अन्नया कयाई राया अत्थाणमंडवासीणो । अच्छइ विविहकहाहिं तो पडिहारो तहिं पत्तो ॥६॥२८६९॥ भूलुलियभालवटो पणमिय विन्नवइ 'देव ! निसुणेहि । चउरो दुवारदेसे तुह दंसणकंखिणो के वि ॥७॥२८७०॥ चिटुंति सन्निरुद्धा उत्तमलावण्ण-वण्णसंपन्ना । दीसति रायपुत्त व्व, ताण किं कीरऊ नाह ! ?' ॥८॥२८७१॥
तं निसुणेउं राया जंपइ रे ! सिग्यमेव आणेहि' । रायाऽऽएसाणंतरमेव इमे आणिया तेण ॥९॥२८७२॥ - जोहाराई सब्ब काउं दिन्नासणेसु उवविठ्ठा । ते पेच्छिऊण राया विम्हइओ चिंतए एयं ॥१०॥२८७३॥
