________________
सिरिसंतिनाहचरिए
वज्जाउहकुमरो वि हु ईसाणिदेण पूइओ अहियं । जं एस जिणो होही एवंविहभत्तिराएण ॥१६॥२८२९॥ एवं च जाव सुहसायरावगाढो चिटुइ वज्जाउहकुमरो ताब समागओ वसंतसमओ । कह च- नचंतो व्व दाहिणपवणंदोलमाणनवपल्लवग्गहत्थेहिं, गायंतो व्व बहुनयरचचरीगीयसद्देहिं, हसंतो ध्व कुडयाइसिय- कुसुमऽट्टहासेहिं, तंज्जंतो व्व विलसमाणवरचूएक्क कलियतंजणीए, पणमंतो व्व मारुयंदोलिज्ज्रमाणनमंतमहातरुसिहरुत्तमंगेहिं, रोयंतो व्व तुट्टंतबिंटबंधणनिवडंतसिंदुवारकुसुमनयणसलिलबिंदुएहिं, पढतो व्व सुय-सारियाफुडक्खराला - वर्जपिएहिं, हुंकारंतो व्य मत्तकलकोइलापंचमहुंकारेहिं । अवि य
इय नच्चइ गायइ हसइ तज्जए पणमए [? य] रोयई य । पंढइ य हुंकारेइ य गहगहिओ नं वसंतरिऊ ॥ १ ॥२८३०॥ किंचइय भूरिपयारविभावकरो, पवणेरियपुप्फयधूलिधरो । स बसंतरिक गहरूव करो, कलिओ नगरोववणंतवरो ॥२॥२८३१॥ एवंविहे य वसंतसमए बट्टमाणे सुदंसणा नाम गणिया वसंतकुसुमपडलगहत्थगया वज्जाउहमुबट्ठिया, तणि य कुसुमाणि १० समप्पिऊण विन्नवेइ, जहा - 'देव ! लच्छिमई देवी विन्नत्तियं करेइ, सामि ! सूरनिवार्य उज्जाणं वसंतसिरि- मणुहविउं वच्चामो' । तं चायन्निऊण कुमारेण भणियं - 'जहा देवीए समाहाणं तहा कीरइ,' त्ति भणिऊण सव्यसामग्गियं काऊण १. कहं च पा० विना नारित ।। २. तज्जयंतो जे० विना । ३. सजणीहिं पा० ॥। ४. लाहुंका' जे० ॥। ५. रोयइ त्रु० ।। ६. पढई हुंकारेई गह का० ॥
अटुम-नवमभवरगहणाई
३३५
