________________
अटुम-नवमभवग्गहणाई
सिरिसंति- सुराया सुवाया सुनाया सुभाया य त्ति । अवि यनाहचरिए जा वरपउमा सुतलाइय व्यं वरवाणिया विसाला य । विक्खाया सव्वत्थ वि, किं बहुणा एत्थ भणिएण? ॥४॥२७८१॥
अचंतं रमणीया पुन्नजणड्ढा य सासयसरूवा । अवइण्णा कोडेण व पच्चक्खा तियसनयरि व्व ॥५॥२७८२॥
तीए नयरीए परिवालए रज्जं खेमकरो नाम राया । जो य-महामेहो व्व सुसद्दो, संखजइ व्व सुगीओ, पसुवालो व्य * सुदइओ, महातरुवरो व्व सुदलो, महापव्वओ व्व सुनओ, महादहो व्व सुपओ, महानिहि व्व सुअत्थो, महागोसंघाओ ५
व्व सुवच्छो । अवि यसूरो वीरो चाई सरणागयवच्छलो सुदक्खिन्नो । सरलो सुहओ रूवी किं बहुणा ? सव्वगुणनिलओ ॥६॥२७८३॥
तस्स य सयलंतेउरप्पहाणा अस्थि रयणमाला नाम महादेवी । जा य–रयणमाल व्व सुवित्ता सगुणा य, कणयमाल व्य सुवण्णालंकिया पवित्ता य, कुसुममाल व्व सुमणोभिरामा भमरहिया य, मेहमाल व्व सुपओहरा सुवासा य, फलिहऽक्खमाल व्व सच्छासया विउसजणाणंदगा य त्ति । अवि यरूवेण कामघरिणी, सोहग्गेणं हरस्स पत्ति व्व । सीलेण रामभज्जा, किं बहुणा एत्थ भणिएण? ॥७॥२७८४॥ तम्मि समयम्मि तीए न समाणा का वि वट्टए पायं । सोहग्ग-रूव-जोव्वण-लायण्णाईगुणगणेहिं ॥८॥२७८५॥
३२८
१. व्व थिर जे० ।। २. तीए य नय त्रु० ।। ३. सुग्गीओ त्रु० ।। ४. सुमओ पा० । सुजओ जे० ।। ५. धीरो का० ।।
