________________
सिरिसंतिनाहचरिए
नरसिंघकुमरस्स कहाणयं
इय एवंविह वयण सुणंतिण, आगलियउ करिणाहु तुरंतिण, पुण जयकारवि जणउ नमंसिउ, तिं चुंबिवि उच्छंगि णिवेसिउ, चिंतइ कुमरु निएविणु नरवरु, “एहु समत्थु हू रज्जधुरंधरु, ता कुमरस्स निएविणु रज्जु, लेमि दिक्ख साहेमि सकज्ज," चिंतवि तेण एउ ता वुत्ता, भड सामंत मंतिसंजुत्ता, 'जइ पडिहासइ तुम्हह एहु, देमि सामि तो निस्संदेहु,' तेहिं भणिउ 'पहु ! चिंतातरुवरु, अम्हहं अज्ज फलिउ सुमणोहरु, जं आइटुउ सिरिनरसीहु, सामिउ वइरिग इंदहं सीहु,' तं निसुणवि राएं आइटुउ, 'जो नयरिहिं, जोइसिउ विसिटुउ, देहि लग्गु नरसीहकुमारह, रज्जऽभिसेयह गुणगणसारह,' ता तेण गणेविणु, मणि विहसेविणु, दिन्नु लग्गु गुणगणकलिउ ।
आगहणह मासह, धन्ननिवासह, पंचमदिणि बहुगहबलिउ ॥१०॥२६२३॥ १. बयणु जे० । वयणं का० ॥ २. पुणु जे० का० ।। ३. चुंबवि जे० । चुंबिउ त्रु० ।। ४. निएविणु जे० ।। ५. गयंद त्रु० ।। ६. राई जे० का० ।। ७. पंचमि दिणि त्रु०॥
२९०
