________________
सिरिसंति- नाहचरिए
ASADAR
छटु-सत्तमभवग्गहणाई
तेण य पहरेण इमो मुच्छाए निवडिओ विमाणम्मि । तत्तो य परबलम्मि उक्किटुिरवो समुच्छलिओ॥५७॥२५४७॥ 'णिहओ णिहओ णिहओ अइबलिओ वि हु अहो ! इमो सत्तू । अइउक्कडविरिएणं पहुणा अम्हाण एएणं ॥५८॥२५४८॥ सच्चं चिय दमियारी निद्दारियदरियसत्तुसंघाओ । एसो चिय पुहईए विजयऽद्धनराहिवो जयउ' ॥५९॥२५४९॥ इयरो अणतविरिओ खणमेकं चिटुिऊण मुच्छाए । अवराइएण वाएण बीइओ झत्ति आससिओ॥६॥२५५०॥ उद्धित्तु गिण्हइ तयं चक्कं तकरयले ऽियं तं तु । सहसारं संजायं सयाऽऽरमवि तक्खणं चेव ॥६१॥२५५१॥ पभणइ अणतविरिओ 'मुक्को तं राय ! जाहि नियगेहे । अज्ज वि न किंचि नटुं विज्जाहरसामिओ होहि ॥६२॥२५५२॥ 'रे ! वहसि किं व गव्वं इमेण पत्तेण लोहखंडेण । भणसि य आलप्पालं सहस चिय तुच्छपुरिसो व्व ॥६३॥२५५३॥ अहवा वि मूसओ वि हु एक्केण वि किर कणेण गहिएण । वच्चइ हल्लुत्तालो अहमवि किर भारवाहि त्ति ॥६४॥२५५४॥ ता रे ! चक्कजुयं पि हु चुण्णे जे तुम समत्थो ह' । इय भणिय खग्गखेडयहत्थो उप्पयइ तयभिमुहं ॥६५॥२५५५॥ आगच्छंत दटुं अणतविरिएण तस्स तं चक्कं । तह मुक्कं जह तेणं धरणीए निवाडियं सीसं ॥६६॥२५५६॥ तो अणवन्निय-पणवन्नियाइदेवेहि वासुदेवस्स । उवरिं कुसुमाण भरो मुक्को इय जंपमाणेहिं ॥६७॥२५५७॥ 'एसो ख वासुदेवो विजयऽद्धबई इहं समुप्पन्नो । एसो वि य बलदेवो, जयंतु कयसत्तुनिद्दलणा ॥६८॥२५५८॥
२७१
१. उकुटुिं पा० जे० ।। २. यलट्ठिय ते का० ॥ ३. "यगेहं का० ।। ४. किरि त्रु० का० ।।
