________________
सिरिसंतिनाहचरिए
सामेण तेहिं भणियं 'सेवेयव्वो पहू नरिदेहिं । दमियारी, चंडीओ केत्तियमेत्तं पुणो दूय ?' | ॥२२॥२५१२।।
तओ अवरोप्पराणुमएण विहियं दोहिं पि विज्जासामत्थेण कणयसिरिदमियारिरायधूयालोभेण बब्बरि चिलाइरूवं । तओ नीया दूएणं दमियारिसमीवे, कयपणामाओ ग दिट्ठाओ दमियारिणा सोमाए दिट्ठीए, भणिया य, जहा'कणयसिरिं दारियं रमावेह' । ते वि गया कणयसिरिसमीवे । दिट्ठा य सा कन्नया तेहिं । केरिसा य ?, अवि यमिउ-णिद्ध-कुडिल-कुंचिय-अइदीहर-कसिणसिरयपब्भारा । पुण्णिमससिसमवयणा कंदोट्टसमाण नयणिल्ला ॥ २३ ॥२५१३॥ सोभासंगयवयणा गरुला-ऽऽयय-उज्जु-तुंगवरनासा । बिंबाफलाहरोगी सिणिद्धसिय कुंदसमदसणा ||२४||२५१४॥ कंबुसमाणग्गीवा करिकुंभसरिच्छथोरथणवट्टा । पुरपरिघबाहुजुयला असोयतरुपल्लवकरग्गा ॥२५॥२५१५॥ तणुर्मुट्ठिगेज्झमज्झा गंभीरावत्तसरिसवरनाभी । गंगापुलिणनियंबा रंभाखंभोवमोरुजुया ॥ २६ ॥२५१६॥ एणीसरिच्छजंघा संचारिमकमलसरिस कमजुयला । किं बहुणा भणिएणं ? पच्चक्खा कामघरणि व्व ॥२७॥२५१७॥
तं च दद्दूण सायरवयणविन्नाणविसेसेहिं देसीर्भासापगन्भेहिं संभासिया । तीए वि ताओ पुच्छियाओ - 'हला ! हला !
१. नयणा यत्रु० ॥ २. पुरिप' त्रु० का० ॥ ३. 'मुडिगिज्झ का० ॥। ४. नाही का० ।। ५. 'घरिणि का त्रु० ॥ ६. पा० विना 'भासासग' जे० त्रु० । "भासग का० ॥
छटु-सत्तमभवग्गहणाई
२६६
