________________
M
छटु-सत्तमभवग्गहणाई
सिरिसंति- नेय पसंसंति बुहा जं किज्जइ बलवया सह विरोहो । तेहिं तओ सामेणं भणियं एयारिसं वयणं ॥१४॥२५०४॥ नाहचरिए 'जुत्तं चिय भणसि तुम, आलोचेऊण किज्जए एयं । ता बच्चसु ताव तुम पासे रायाहिरायस्स' ॥१५॥२५०५॥
वीसज्जिऊण दूयं अपराजिया-ऽणतविरिया आलोचिउमाढत्ता-"आगासगमणेण य विजाबलदप्पेण य अम्हे परिभवइ * दमियारी, ता अम्हे वि ताओ विजाहरदिन्नाओ विजाओ साहेमो, पच्छा से दप्पं नासेमो" । एवं च जाव चिंतयंति ताव विजाओ 'पुव्वजम्मसाहियाओ' त्ति काऊण सयमेवोवट्ठियाओ, अवि य- . तडितेयसरिच्छाओ नाणालंकारभूसियतणूओ । बहुवन्नकलियवरवत्थनियरसंछाइयंगीओ ॥१६॥२५०६॥ करकोरयं बिहेउं भणंति 'आणाकरीओ तुम्हाणं । अम्हे अजप्पभिई जाओ साहेउमिच्छेह ॥१७॥२५०७॥ जम्हा हु पुव्वसिद्धा अम्हे ता भणह जेण पविसामो । तुम्हाणं देहेसुं' भणंति ते 'होउ एवं' ति ॥१८॥२५०८॥ तत्तो ताओ तेसिं देहेसु झत्ति सन्निलीणाओ । तासिं च पभावेणं जाया विजाहरा दो वि ॥१९॥२५०९॥ विजाणं पि हु पूया तेहिं कया विविहगंधमल्लेहिं । एत्थंतरम्मि पत्तो पुणो वि दमियारिणो दूओ ॥२०॥२५१०॥ भणड य 'किं भो! तुडभे गच्छिस्सह जमगिहम्मि पाहुणया। जेण न अज्ज वि पेसह चेडीओ रायरायस्स?' ॥२१॥२५११॥
२६५
१. °ण य दूयं त्रु० का० ।। २. "बलेण द" का० ।। ३. अबि य नास्ति पा० ।। ४. तेसिं का० विना ।।
