________________
सिरिसंतिनाहचरिए
मायंदिदारयाणं कहाणयं
वलिया य इमा पावा अग्गुजाणम्मि मुयइ जक्खो वि । भणइ 'महायस! पविससु जेणेसा तुज्झ सा णयरी ॥१२६॥२४५१॥ अहमवि वच्चामि नियं ठाणं' तेणाऽवि सो खमावेउं । वीसजिओ खणेणं सहस त्ति अदंसणीहूओ ॥१२७॥२४५२॥ जिणपालिओ वि णियए पविसरइ पुरम्मि सोगसंतत्तो । कंदतो विलवंतो भाउयमरणं परिकहेइ ॥१२८॥२४५३॥ माइंदी जणसहिओ काउं सव्वाइं मयगकिच्चाई । जिण पालिएण समयं भोगासत्तो पुणो जाओ ॥१२९॥२४५४॥ अह अन्नया कयाई विहरतो गाम-नगर-देसेसु । चोद्दसमुणिसहसजुओ छत्तीसऽज्जासहस्सेहिं ॥१३०॥२४५५।। असुर-सुरकोडिकोडीहि परिवुडो कणयकमलकयचरणो । आयासदियउदंडछत्ततियगेण सोहंतो ॥१३१॥२४५६॥ सक्कीसाणसुरीसरसेयविधुव्वंतचामरुक्खेवो । बहुपंचवण्णकुडभीसहस्सजुयसेयधम्मधओ ॥१३२॥२४५७॥ मियजुयलजुत्तसिरिधम्मचक्कदेसिजमाणनहमग्गो । पडिबोहितो भविए जिणवररिद्धीए रायंतो ॥१३३॥२४५८॥ * करकलियविमलमुत्ताहल व्व परिमुणियसयलतेलोक्को । चउतीसअइसयजुओ संसयतिमिरोहवरसूरो ।।१३४॥२४५९॥
इय रिद्धिसमुदएणं संपत्तो सिरिजिणेसरो वीरो । उवविट्ठो य कमेणं सुरविहिए वरसमोसरणे ॥१३५॥२४६०॥ तं नाऊणं जिणपालिओ वि भत्तीए वंदणनिमित्तं । पत्तो सामिसमीवे वंदइ तिपयाहिणापुव्वं ॥१३६॥२४६१॥
२५८
१. पालिओ वि स° पा० ।। २. "रकोडको पा० ।। ३. दृश्यता तृतीय परिशिष्टम् ।। ४. तं च ना त्रु० ।।
