________________
सिरिसंतिनाहचरिए
SS से अहं सुलवणाहिवेण आइट्ठा। “जह सोहेहि समुहं तिसत्तखुत्तो इमं भद्दे ! ॥४८॥२३७३ ॥ जं तत्थ तणं पत्तं कटुं अन्नं पि असुइयं किंपि । तं सव्वं एगते छड्डेयव्वं ममाऽऽणाए" ॥४९॥२३७४ ॥ ता तत्थ अहं सामिय! वच्चामि किंतु कइवि दियहाई । लग्गिस्संति ममं ता तुम्भे इह चिट्ठह रमंता ॥५०॥ २३७५ ॥ अंह कवि तुम्ह एत्थं अरई उप्पजए तओ तुब्भे । पुब्विल्ले वणसंडे गच्छेज्जह तत्थ तुम्हाण ॥५१॥२३७६॥ दोन्नि उऊ साहीणा गिम्हो तह पाउसो य तो तुब्भे । विविहलयाघरएसुं नाणाविहरुक्खसंडेसु ॥५२॥२३७७॥ माहविमाईवरमंडवे क्खरिणि दीहियाईसु । रममाणा सेच्छाए विहरेज्जह मज्झ वयणेण ॥ ५३ ॥ २३७८ ॥ अह कहवि तुम्ह चित्तं तत्थ वि न रमेज्ज तो वएज्जाह । उत्तरवणसंडम्मिं बिन्नि रिऊ तहिं वि साहीणा ॥ ५४ ॥२३७९॥ सरओ हेमंतो च्चिय तत्थ य कीलेह णियजे हिच्छाए । अह कह वि ऊसुयत्तं तुम्हाणं होज्ज तत्थाऽवि ॥५५॥२३८०॥ तो पच्छिमवणसंडे गच्छेज जेण तत्थ रिउजुयलं । साहीणं तुम्हाणं सिसिररिक तह बसंतो य ॥५६॥२३८१॥ तत्थ वि रममाणाणं तुम्हाणं होइ नो रई कहवि । तो पासायवंडिंसयमेयं आवेज्जह पुणो वि ॥५७॥२३८२ ॥ जं पुण एवं दाहिणदिसाए वणसंडमच्छए तत्थ । नो गंतव्वं कह वि हु जम्हा मसिरासिसंकासो ॥५८॥२३८३ ॥ इलविलयवेणिभूओ गुंजद्धसमाणरत्तनयणजुओ । उक्कडफडाकडप्पो अइचवलफुरंतदोरसणो ॥ ५९॥२३८४ ॥
१. कह का० । २. तहवि पा० जे० ॥। ३. जहेच्छाए पा० ॥ ४. कहि वि पा० ।। ५. 'बडेंस' जे० ॥
मायंदिदारयाणं कहाणय
२५१
