________________
मित्ताणंदाईणं
कहाणयं
सिरिसंति- ता एसो परमत्थो रायसमीवम्मि तुज्झ अइगरूयं । आरोवियं कलंकं मारीविसयं अइमहंतं ॥२६९॥२०६४॥ नाहचरिए - राया मह अप्पेही तुमं ति जइ तुज्झ अणुमयं एयं । तो जामि तुम घेत्तुं, अह नवि तो कहसु सडभावं ॥२७०॥२०६५॥
+ अवणेमि तुह कलंक, देजाहि जलंजलिं पुणो मज्झ' । इय भणिया सा सहसा चिंताभरसायरे पडिया ॥२७१॥२०६६॥
"अहह ! अहो ! एएणं कह एसो वग्ध-दोत्तडीनाओ। मह आणिओ दुलंघो ? अहवा जं होइ तं होउ ॥२७२॥२०६७॥ रक्खेमि इमं पुरिसं महिमंडलमंडणं महाभाग" । आलोचिऊण एवं भणइ 'महाभाग ! तुह जीयं ॥२७३॥२०६८॥ मह अभिमयं, ति एवं यिम्मि भण जं मए बिहेयव्यं' । सो भणइ 'जया राया अप्पेइ महं तुम तइया ॥२७४॥२०६९॥ फेक्कारेजसु मह हु फडु त्ति भणियम्मि सरिसवक्खेवे' । इय समयं काऊणं समागओ रायपासम्मि ॥२७५॥२०७०॥ 'संगहविसए पत्ता मारी मह' भणइ किंतु 'अप्पेहि । अइसिग्यवाहणं जेण नेमि रयणीए देसते ॥२७६॥२०७१॥ जइ उग्गच्छइ सूरो मज्झे देसस्स कहवि जंतीए । अवलोयए य एसा ता देव ! तहटिया मारी' ॥२७७॥२०७२॥ भीएणं तो रन्ना समप्पिया वाउवेगवरवडवा । पाणेहितो वि पिया, सुहहेउं निययलोयस्स ॥२७८॥२०७३॥ संझाए जायाए घेत्तुं केसेसु अप्पिया रन्ना । फेक्कारे मुंचती तेणाऽवि हु हक्किया एसा ॥२७९॥२०७४॥
१. सि पा० ।। २. अहिमय का० ।। ३. फुड जे० ।।
